Arundel qasri
Arundel qasri yoki Erandel (inglizcha: Arundel Castle) ― Gʻarbiy Sasseksdagi xuddi shu nomdagi shaharcha tepasida qad koʻtargan. Uning birinchi egasi Uilyam Bosqinchining yaqin sheriklaridan biri — Rojer Montgomeri edi. Qasrning egasi anʼanaviy ravishda Arundel grafi (Britaniyadagi eng qadimgi graf unvoni) unvoniga ega. XV-asrdan beri qasr Xovardlar oilasidan Norfolk gertsogining asosiy qarorgohi boʻlib xizmat qilgan.
Dastlabki qasr (Ruhoniy Eduard tomonidan asos solingan) XII-asrda avval qirolicha Matilda va uning mulozimlarini joylashtirish uchun, keyin Genrix II koʻrsatmasi bilan bir necha bor kengaytirilgan. Tuzilishi oʻsha paytda keng tarqalgan istehkomlarning tepalikdagi qoʻrgʻon turiga tegishli edi. 1380-yilda Genri Bolingbrok Arundelda Meri de Bohunga uylandi.
Arslon yurakli Richard davridan beri qasr Uilyam d’Aubigny va Luvainlik Adeliza avlodlariga tegishli. Aubigny oilasi yoʻq boʻlib ketganidan soʻng, qasr (Arundel grafi unvoni bilan birga) ayol tomonidan qarindoshlari Fitzalanlarga oʻtdi. 1580-yilda Fitzalan mulklari hozirgi egalari Xovardlarga meros boʻlib oʻtdi. Qasrning egalari Shekspirning tarixiy yilnomalari sahifalarida bir necha bor uchraydi.
Arundel qasri XVII-asrdagi fuqarolar urushlari paytida katta zarar koʻrdi. Oʻrta asr meʼmorchiligi uchun modaning qaytishi bilan, XVIII-XIX asrlar oxirida Norfolkning 11-gersogi oʻz xonalarini neogotik uslubda taʼmirladi. Inshoot Viktoriya davrida, ayniqsa qirolicha Viktoriya va uning turmush oʻrtogʻining 1846-yilda tashrifi munosabati bilan qayta qurilishda davom etdi.