Asil Rashidov
Asil (Asliddin) Rashidov (1930-yil 1-yanvar, Jizzax tumani, Sirdaryo viloyati, Oʻzbekiston SSR — 2020-yil 15-sentyabr, Toshkent, Oʻzbekiston) — oʻzbek tarjimoni va adabiyotshunosi. U badiiy tarjima sohasida oʻziga xos ijodiy maktab yaratuvchisi sifatida eʼtirof etiladi[1].
| Asil Rashidov | |
|---|---|
 | |
| Tavalludi |
1-yanvar 1930-yil |
| Vafoti |
15-sentyabr 2020-yil (90 yoshda) Toshkent, Oʻzbekiston |
| Fuqaroligi |
 SSSR  Oʻzbekiston |
| Taʼlimi | O‘rta Osiyo davlat universiteti |
| Kasbi | jurnalist, tarjimon, adabiyotshunos |
| Otasi | Rashid Xalilov |
| Onasi | Qoʻysinoy Xalilova |
Tarjimayi holi
tahrirAsil Rashidov 1930-yil 1-yanvarda Jizzax tumanidagi Sovungarlik qishlogʻida (baʼzi manbalarda Sovungarlik mahallasi[2]) tavallud topgan. Haqiqiy ismi Asliddin, shuningdek, bolaligida Nishon (bir tutam oq soch bilan tugʻilgani sababli), Xolmat (tanasida xoli boʻlgani tufayli) ismi bilan ham chaqirishgan[2]. Otasi Rashid Xalilov (1890—1954), onasi Qoʻysinoy Xalilova (1892—1955)[3]. Ularning olti farzandi Kamoliddin, Sharofiddin, Sahobiddin, Isomiddin, Asliddin, Nasriddin boʻlgan[2][3]. 1954-yilda O‘rta Osiyo davlat universitetini jurnalist mutaxassisligi bo‘yicha tugatgan.
Oilasi
tahrirOtasi Rashid Xalilov dehqon, soʻngra jamoa xoʻjaligi ishchisi, onasi Qoʻysinoy Xalilova ham jamoa xoʻjaligi ishchisi boʻlib ishlagan. Katta akasi Kamoliddin yoshligida kasallikdan vafot etgan, akasi Sahobiddin huquqshunos, akasi Isomiddin esa jamoa xo‘jaligi radiouzelida ishlagan.
Faoliyati
tahrir1954—1958-yillarda „Qizil Oʻzbekiston“ gazetasida adabiy xodim, bo‘lim mudiri lavozimida faoliyat yuritgan. 1958—1961-yillarda Toshkent davlat pedagogika instituti aspiranturasida oʻqigan. Keyinchalik 56 yil davomida shu institutda o‘zbek adabiyoti kafedrasi o‘qituvchisi, dotsenti, professori lavozimlarida ishlagan. 1981-yilda filologiya fanlari nomzodi ilmiy darajasini olgan[4].
Mukofotlari
tahrirO‘zbekiston Respublikasi san’at arbobi, O‘zbekiston Respublikasida xizmat ko‘rsatgan o‘qituvchi faxriy unvonlari, O‘zbekiston Respublikasi davlat mukofoti, Shuhrat medali bilan taqdirlangan[manba kerak].
Manbalar
tahrir- ↑ „Oʻzbekiston Respublikasi sanʼat arbobi Asil Rashidov“ (uz-UZ). Muhammad al-Xorazmiy nomidagi Toshkent Axborot Texnologiyalari Universiteti. Qaraldi: 2024-yil 6-sentyabr.
- ↑ 2,0 2,1 2,2 Sherali Karvon. „Sharafli umr bekatlari. Taniqli tarjimon Asil Rashidov bilan suhbat“. kh-davron.uz (2017-yil 3-sentyabr). 2021-yil 2-dekabrda asl nusxadan arxivlangan. Qaraldi: 2024-yil 6-sentyabr.
- ↑ 3,0 3,1 Umdi Yoqubov. „Asil Rashidov: akam Sharof Rashidov hududlardagi rahbarlar kitob oʻqiganini bilsa, yuz-koʻzi yashnab ketardi“. daryo.uz (2017-yil 18-iyun). 2022-yil 30-aprelda asl nusxadan arxivlangan. Qaraldi: 2024-yil 14-oktyabr.
- ↑ „Oʻzbekiston san’at arbobi Asil Rashidov vafot etdi“. aniq.uz (2020-yil 16-sentyabr). 2024-yil 14-oktyabrda asl nusxadan arxivlangan. Qaraldi: 2024-yil 14-oktyabr.