Behzod Muhammadkarimov

Behzod Muhammadkarimov (1964-yil 23-mart tugʻilgan) - Oʻzbekistonlik teatr, kino va dublyaj aktyori. Toshkent teatr va rassomlik sanʼat institutini tamomlagan. 1988-yildan buyon Oʻzbek Milliy akademik drama teatrida faoliyat yuritib kelmoqda. 2000-yil Oʻzbekiston Respublikasida xizmat koʻrsatgan artist unvoniga sazovor boʻlgan.

Behzod Muhammadkarimov
Fayl:Behzod Muhammadkarimov.jpg
Tavalludi	23-mart 1964-yil (1964-03-23) Toshkent, O'zbekiston
Fuqaroligi	Oʻzbekiston
Kasbi	Aktyor
Faoliyat yillari	1984-yildan
Mukofotlari

Teatrda

Milliy teatrda sahnalashtirilgan „Alisher Navoiy“da Navoiy, „Mehrobdan chayon“da Anvar, „Bir koshona sirlari“da Rustam, „Okeandagi yetti faryod“da Santiliano, „Mirzo Ulugʻbek“ Abdul latif, „Imkon“da Rustam, „Senga bir gap aytaman“da Ergash, „Yaralangan oqqush nolasi“da Nodir, „Omad biz tomon“da Boʻri polvon, „Kunduzsiz kechalar“da Oybek, „Xotinlar gapidan chiqan xangoma“da Komil, „Qirol Lir“da Edmond, „Buratino“da Karlo ota, „Temur“da Bunyod kabi koʻplab spektakllarda bosh qaxramonlarni ijro etib tomoshabinlarning olqishiga sazovor boʻldi.

Kinoda

U Oʻzbek milliy kino va teleseriallarda koʻplab muhim obrazlarni yaratgan. Jumladan: „Buyuk Amir Temur“da Amir Temur, „Oʻtkan kunlar“da Otabek, „Layli va majnun“da Majnun, „Shaytanat“da Erkin. „Oq bino oqshomlari“da Avazbek, „Ixtiyorsiz qotil“da Otabek, „Qoʻriqxona“da Behzod, „Soʻngi nafas“da Ota, „Nagdaun“da Tair, „Buyuk turon“da Turksanf, „Chiptasiz“da Oʻrazboy kabi rollarni ijro etgan.