Boj imtiyozlari

Boj imtiyozlari — bojxona hududida yuridik va jismoniy shaxslarga boyliklar, shaxsiy buyumlar, boshqa predmetlarni olib kirishi, olib chiqish yoki oʻtkazishda beriladigan afzalliklar. B.i. umumiy qoʻllaniladigan bojxona rejimida qulay istisnolar sifatida namoyon boʻladi. Ular quyidagi shakllarda beriladi: bojlar va yigʻimlardan ozod qilish, bojxona chegaralaridan tovarlar, shaxsiy buyumlarni oʻtkazishning osonlashtirilgan tartibini qoʻllash yoki bunday tartibni umuman qoʻllamaslik, umumiy qoida boʻyicha taqiqlangan biror narsani mamlakatga olib kirish yoki olib chiqish huquqini berish.