Boris Yefimovich Nemtsov (ruscha: Борис Ефимович Немцов; 9-oktabr 1959 — 27-fevral 2015) — rossiyalik siyosat va davlat arbobi.

Boris Yefimovich Nemtsov
Борис Немцов
Boris Nemtsov 2014.jpg
Nemtsov 2014-yilning martida
Mansabda
28-aprel 1988-yil — 28-avgust 1988-yil
Hukumat boshligʻi Sergey Kirienko
Viktor Chernomyrdin
Prezident Boris Yeltsin
Mansabda
17-mart 1997-yil — 28-aprel 1998-yil
Prezident Boris Yeltsin
Oʻtmishdoshi Alexey Bolshakov
Viktor Ilyushin
Vladimir Potanin
Vorisi Sergey Kiriyenko
Mansabda
30-noyabr 1991-yil — 17-mart 1997-yil
Oʻtmishdoshi lavozim yaratilgan
Vorisi Ivan Petrovich Sklyarov
Shaxsiy maʼlumotlari
Tavalludi 9-oktabr 1959-yil(1959-10-09)
Sochi, Rossiya SFSR, Sovet Ittifoqi
Vafoti 27-fevral 2015-yil(2015-02-27)
(55 yoshda)
Moskva, Rossiya
Oʻlim sababi Qotillik

2013-yil 8-sentyabrdan 2015-yil-27 fevralda (oʻldirilguniga qadar), Yaroslavl viloyati dumasining VI chaqiriq deputati.

Rossiya xalq deputati (1990-1993). Nijniy Novgorod viloyatining birinchi gubernatori (1991-1997), Federatsiya Kengashi aʼzosi (1993-1997). Yoqilgʻi va energetika vaziri (1997 yil aprel-noyabr), Rossiya Federatsiyasi Bosh vazirining birinchi oʻrinbosari (1997-1998), Rossiya Federatsiyasi Xavfsizlik Kengashi aʼzosi (1997-1998). U gubernator va bosh vazir oʻrinbosari boʻlib ishlagan paytda, bu lavozimlarda (1998-yil aprelda Sergey Kiriyenko bosh vazir etib tayinlangunga qadar) eng yosh rus siyosatchisi boʻlgan.

1998-yilda u „Rossiya molodaya“ liberal harakatini tuzdi, keyinchalik u „Pravoe delo“ koalitsiyasi (1998-2000) va „Soyuz pravix sil“ partiyasi asoschilaridan biriga aylandi. 1999-2003 — Rossiya Federatsiyasi Federal Majlisining Davlat Dumasi deputati — Davlat Dumasi raisining oʻrinbosari, keyin — „Soyuz pravix sil“ fraktsiyasi rahbari. 2003-yildan keyin u biznes sohasida faoliyat yuritdi, Ukraina prezidenti Viktor Yushenkoning mustaqil iqtisodiy maslahatchisi boʻlgan.

2008-yilda „Soyuz pravix sil“ boʻlinishidan soʻng, sobiq partiya aʼzolari siyosiy kuchga sodiq boʻlgan „Pravoe delo“ da birlashishga qaror qilishganida, u muxolifat „Solidarnost“ demokratik harakatini tuzish tashabbuskorlaridan biri edi; 2008-yildan — harakatning Federal siyosiy kengashi byurosi aʼzosi. 2009-yilda „Solidarnost“ koʻmagi bilan u Sochi meri lavozimiga nomzod qilib koʻrsatildi va „Yedinaya Rossiya“ nomzodidan keyin saylovlarda ikkinchi oʻrinni egalladi va 13,6 % ovoz toʻpladi. 2010 yilda „Solidarnost“ harakati „Za Rossiyu bez proizvola i korrupsii“ koalitsiyasiga qoʻshildi. 2012-yil 16-iyundan 2015-yil 27-fevralgacha — „Respublikanskaya partiya Rossii — Partiya narodnoy svobodi“ (RPR -PARNAS) siyosiy partiyasi raisi.

Nemtsov post-sovet Rossiya iqtisodiyoti islohotlarining muhim figurantlaridan biri edi.[1] 1990-yillarda prezident Boris Yeltsin davrida muvaffaqiyatli siyosiy faoliyat yuritdi. 2000-yildan to oʻlimigacha Vladimir Putinning ashaddiy tanqidchisi edi.

Rossiya muxolifatining muvofiqlashtiruvchi kengashi aʼzosi. Olim-fizik, fizika-matematika fanlari nomzodi (1985), 60 dan ortiq ilmiy ishlar muallifi.

2015-yil 27-fevraldan 28-fevralga oʻtar kechasi Moskvadagi Bolshoy Moskvoretskiy koʻprigida otilgan[2][3][4]. Troekurovskiy qabristoniga dafn etilgan. 2017-yil iyul oyida besh kishi B. Nemtsovni uyushgan guruh tarkibida yollanma ijarada oʻldirish ayblovi bilan hukm qilindi. Buyurtmachi shu kungacha topilmagan.

ManbalarTahrirlash

  1. „Putin critic, Russian opposition leader Boris Nemtsov killed in Moscow“. Washington Post (28-fevral 2015-yil). 17-dekabr 2019-yilda asl nusxadan arxivlandi. Qaraldi: 1-mart 2015-yil.
  2. Zimmerman, Malia (4-mart 2015-yil). "Crossing the Kremlin: Nemtsov latest in long line of Putin critics to wind up dead" Arxivlandi 7-mart 2015-yil Wayback Machine saytida., Fox News.
  3. „Leading Putin critic gunned down outside Kremlin“, The Telegraph (27-fevral 2015-yil).
  4. Kramer, Andrew E. (27-fevral 2015-yil) "Boris Nemtsov, Putin Foe, Is Shot Dead in Shadow of Kremlin" Arxivlandi 28-iyul 2019-yil Wayback Machine saytida., The New York Times.

Oʻqish uchunTahrirlash

  • Dunlop, John B. The February 2015 Assassination of Boris Nemtsov and the Flawed Trial of his Alleged Killers. An Exploration of Russiaʼs 'Crime of the 21st Century' (Stuttgart: Ibidem-Verlag, 2019), s. 197.

HavolalarTahrirlash