Bursa Texnika Universiteti

Bursa Texnika Universiteti
Turi	Davlat Universiteti
Asos solingan sanasi	2010-yil 21-iyul
Rektori	Prof.Dr. Naci Çağlar
Fakultetlar	6 ta fakultet 1 ta institut
Joylashuvi	Bursa, Turkiya
Veb-sayti	btu.edu.tr
	Fayl:Bursa Texnika Universiteti

Bursa Texnika Universiteti (turkcha: Bursa Teknik Üniversitesi, inglizcha: Bursa Technical University) 2010-yil Turkiyaning Bursa shahrida qurilgan davlat universitetidir. Bursa Texnika Universiteti Turkiyaning beshinchi texnika universiteti va Bursaning ikkinchi davlat universiteti hisoblanadi. Ta’sischi rektor professor Dr. Ali Sürmen hisoblanadi. 2022-yil 23-dekabr holatiga koʻra rektor professor Dr. Naci Çağlarboʻlgan^[1].

Tarix

Bursaning ikkinchi davlat universiteti va Turkiyaning beshinchi texnik universiteti sifatida 2010-yilning 21-iyulidagi 27648-sonli “Oliy ta’lim muassasalarini tashkil etish toʻgʻrisida”gi qonun bilan 2010-yilning 21-iyulidagi Rasmiy gazetada e’lon qilingan. Shuningdek 6005-sonli “Ayrim qonunlar va qonun hujjatlariga oʻzgartishlar kiritish toʻgʻrisida”gi qonunga muvofiq 6 ta fakultet, 2 ta institut va 1 ta kollej bilan tashkil etildi.

2011-yil Osmangazi shaharchasida 10 gektar maydon ajratildi. Merinos Otaturk Kongress madaniyat markazining bir qismi Bursa shahar hokimiyatidan ijaraga olingan va Mashinasozlik va kimyo fakultetlariga ilk bakalavriat talabalarini qabul qilgan. 2012-yilda Yildirim kampusi foydalanishga topshirildi. Universitet kutubxonasi tashkil etilib ilk kitoblar xarid qilindi. Osmangazi kampusida oshxona, sinf xonalar va laboratoriyalar foydalanishga topshirildi. Mimar Sinan Kampusi 2016-yilda foydalanishga topshirildi.

Akademik birliklar

Bursa Texnika Universitetida 6 fakultet, 1 institut, 1 kollej va 12 tadqiqot markazi mavjud.

Fakultetlar

Muhandislik va tabiiy fanlar fakulteti
Gumanitar va ijtimoiy fanlar fakulteti
Dengizchilik fakulteti
O‘rmon xo‘jaligi fakulteti
Aloqa fakulteti
Arxitektura va dizayn fakulteti,

Talabalar va ilmiy xodimlar soni

2021-2022-o‘quv yilida universitetda jami 8739 nafar talaba tahsil olgan. Ulardan 6915 nafari 46 ta yo‘nalish bo‘yicha bakalavriatda va 1824 nafari 58 ta yo‘nalish bo‘yicha magistraturada tahsil olgan. Talabalarning 8 % ini chet ellik talabalar tashkil etadi.

2022-yil holatiga ko’ra Universitetda 50 nafar professor, 42 nafar dotsent, 130 nafar doktor, 249 nafar oʻqituvchi va ilmiy xodim, shuningdek, 166 nafar ma’muriy va 97 nafar xizmat koʻrsatuvchi xodim ishlagan^[2].

Kampuslar

Bursa Texnika Universiteti akademik, ilmiy tadqiqotlari va ta’lim faoliyatlarini Mimar Sinan va Yildirim kampuslarida davom ettirmoqda.

Havolalar

Rasmiy sayt

Manbalar

↑ „BTÜ Genel Bilgiler“. 3-mart 2015-yilda asl nusxadan arxivlangan. Qaraldi: 20-sentabr 2023-yil.
↑ „BTÜ - Bilgi Ekranı“. 27-yanvar 2020-yilda asl nusxadan arxivlangan. Qaraldi: 1-aprel 2020-yil.

[1] „BTÜ Genel Bilgiler“. 3-mart 2015-yilda asl nusxadan arxivlangan. Qaraldi: 20-sentabr 2023-yil.

[2] „BTÜ - Bilgi Ekranı“. 27-yanvar 2020-yilda asl nusxadan arxivlangan. Qaraldi: 1-aprel 2020-yil.

[1]

[2]