Bosh menuni ochish

Changʻi sporti — qishki sport turi. Unga changʻi poygasi, tramplindan sakrash, ikki kurash (poyga va sakrash), togʻ changʻi sporti va biatlon kiradi. Changʻi sporti Norvegiyada sport turi sifatida shakllandi. 1767 yilda shu mamlakatda harbiy xizmatchilar oʻrtasida ilk musobaqa oʻtkazildi, 1843 yildan esa ommaviy musobakalar tashkil kilina boshladi. KeyinroqCh.s. Yevropaning boshqa davlatlarida ham ommalashdi. 1910 yilda Xalqaro changʻi sporti komissiyasi tuziddi va Changʻi sportining qoidalari tasdiklandi. Bu komissiya 1924 yilda Xalqaro Changʻi sporti federatsiyasi (FlS)ra aylantirildi. Hozirgi kunda bu federatsiyaga 100 dan ziyod davlat (Oʻzbekiston 1993 yildan) aʼzo (2004). Changʻi sporti 1924 yildan olimpiada oʻyinlari dasturiga kiritildi, 1925 yildan (1937 yildan ikki yilda bir marta) jahon chempionati oʻtkaziladi. Oʻzbekistonda 20-asrning 70- yillaridan boshlab Changʻi sportining , asosan, tog changʻi sporti turini rivojlantirishga kirishiddi. Respublikada 300 dan ziyod kishi Changʻi sporti bilan shugullanadi. 2 ta Changʻi sportiga ixtisoslashgan sport maktabida 17 murabbiy 196 nafar bolalaroʻsmirlarga Changʻi sportidan saboq berishadi (2004). Akasingil Komil va Elmira Oʻrinboyevalar, Vladimir Yunusov kabi yetakchi changʻichilar nufuzli musobaqalarning ishtirokchilaridir.