Chevrolet Traverse

Chevrolet Traverse — bu Chevrolet kompaniyasining toʻliq oʻlchamli yetti yoki sakkiz oʻrindiqli krossover. 2008-yilda Chikagodagi avtosalonda ilk bor taqdim etilgan va shu yilning oktyabr oyida sotuvga chiqdi. U Uplander miniveni hamda TrailBlazer SUV ning vorisi hisoblanadi. 2009-yilgacha u Tennessi shtatidagi Spring Hill zavodida ishlab chiqarilgan. Keyinchalik umumiy platformaga ega boʻlgan qardoshlari GMC Acadia va Buick Enclave modellari bilan birgalikda, Michigan shtatidagi Lansingda ishlab chiqarila boshlagan.

Chevrolet Traverse
Chevrolet Traverse (ikkinchi avlod)
Asosiy maʼlumotlar
Ishlab chiqaruvchi	General Motors
Model yili	2008
Avvalgi modeli	Chevrolet Uplander, Chevrolet TrailBlazer (Shimoliy Amerika) Chevrolet Blazer (Janubiy Amerikada)
Tasnifi
Sinfi	Toʻliqhajmli krossover
Segment	J
Komponovkasi	PP P4
Platformasi	GMT561
Gʻildirakformulasi	4x2 4x4
Eksteryer
Kuzov turi	SUV
Oʻrindiqlar soni	7 8
Eshiklar soni	5

Birinchi avlod

„Traverse“ nomi dastlab 2003–yilda Detroytda boʻlib oʻtgan Shimoliy Amerika xalqaro avtosalonida taqdim etilgan kontsept-kar uchun ishlatilgan, biroq 2005-yilda Chevrolet Equinox sotuvga chiqqanida u unutilgan edi. Avtomobil dizayni 2005-yilgi Chevrolet Sequel kontsept-karidan olingan, ammo uning oldi radiator-panjarasi 2008-yilgi Chevrolet Malibuga oʻxshash V shakli simon qilib ishlangan edi. Traversning eshiklaridan boshqa qismlari boshqa Lambda krossoverlaridan farqli ravishda oʻziga xos metalldan tashkil topgan. 2008-yildan to 2017 yilgacha Chevrolet Traversning 1-avlodi ommaviy ishlab chiqarilgan.

Transmissiya

Traverse takomillashtirilgan 3.6 litr xajmli, V6 lik bevosita yoqilgʻi sochilishi bilan birgalikda xamda VVT qurilmalik LLT dvigateli bilan jixozlangan. 6 pogʻonalik avtomatik uzatmalar qutisi dvigateldan olingan quvvatni yoki faqat oldiga yoki barcha gʻildiraklarga uzatadi. LTZ komplektatsiyasi boshqa komplektatsiyalardan farqli ravishda 2 talik konfiguratsiyasidagi avtomobil, boshqalardan farqli oʻlaroq, 2 ta yonmagan gazlarni chiqarib yuborish tizimiga ega ekanligi uni quvvatini va aylantirish momentini balandroq boʻlishiga xizmat qiladi.

2013 yildagi yangilanish

Chevrolet Traverse LTZ. 2013-yil.

Oldi koʻrinishi yangilangan Traverse 2012-yilda Nyu-York da avtosalonda taqdim etilgan. Avtomobil yangilangan radiator panjarasi, old bamper, orqa eshik va Chevrolet Camaro faralariga o‘xshash qilib ishlangan orqa yoritish chiroqlar shuningdek, yangilangan g‘ildiraklar bilan jixozlangan edi. Lekin, avtomobilning texnik koʻrsatkichlari oʻzgarishsiz qoldi. Yangilangan Traversening ilk fotosuratlari 2012-yil 28-martda ommaga taqdim qilingan. Traversening barcha komplektatsiyalari sensorli dsipley hamda Mylink bilan jixozlangan auditizim ega edi. Shuningdek, komplektatsiyaga qarab mato yoki teridan ishlangan oʻrindiq qoplamalari, shuningdek yogʻochdan maxsus ishlangan interyerga ega edi.