Choliqushi
„Choliqushi“ (turkcha: Çalıkuşu) — turk yozuvchisi Reşat Nuri Güntekin qalamiga mansub roman. Ilk bor 1922-yil chop etilgan. Asarda yosh oʻqituvchi Farida va uning Komronga boʻlgan muhabbati haqida soʻz yuritiladi.
| Asl nomi | Çalıkuşu |
|---|---|
| Muallif | Reşat Nuri Güntekin |
| Janr | roman |
| Til | turkcha |
| Tarjimon | Mirzakalon Ismoiliy |
| Nashriyot | Gʻafur Gʻulom nomidagi adabiyot va sanʼat nashriyoti |
| Nashr etilgan sanasi | 1922 |
| Sahifalar soni |
420 (1968) 395 (1988) |
| ISBN | ISBN 5-635-00038-X 1988 |
Romanni oʻzbek tiliga Mirzakalon Ismoiliy tarjima qilgan. Asar oʻzbek tilida bir necha marta nashr qilingan.
1966-yil „Choliqushi“ asosida film suratga olingan. 1986- hamda 2013-yillarda esa asar asosida teleserial olingan. 1986-yilgi serial „Oʻzbektelefilm“ kinostudiyasida oʻzbek tiliga dublyaj qilingan.
SyujetTahrirlash
Romandagi voqealar Birinchi jahon urushi arafasida yuz beradi. Asarning bosh qahramoni Farida yoshligida ota-onasidan ajrab, hayotda turli qiyinchiliklarga duch keladi. Farida oʻz xolasining oʻgʻli Komronni sevib qoladi. Kamron ham uni sevadi, ammo oilaviy shartlarga koʻra ular birga boʻla olmaydilar. Farida oʻqituvchi boʻlib ishlash uchun chekka qishloqqa ketadi. Asar soʻnggida ikki yosh nihoyat bir-biriga yetishadi.
QahramonlarTahrirlash
- Farida (Choliqushi) (turkcha: Feride (Çalıkuşu)) – bosh qahramon
- Komron (turkcha: Kâmran) – Faridaning sevgilisi
- Basima (turkcha: Besime) – Faridaning xolasi, Komronning onasi
- Mujgon (turkcha: Müjgan) – Faridaning xolavachchasi
- Oysha (turkcha: Ayşe) – Faridaning xolasi, Mujgonning onasi
- Munisa (turkcha: Munise) – Faridaning boqib olgan qizi
- Xayrullo (turkcha: Hayrullah) – yoshi keksa doktor
- Sayfuddin (turkcha: Seyfettin) – Komronning otasi
Oʻzbekcha nashrTahrirlash
Romanni oʻzbek tiliga Mirzakalon Ismoiliy tarjima qilgan. Asar oʻzbek tilida bir necha marta, jumlaldan, 1968- hamda 1988-[1] yillarda chop etilgan. Mazkur nashrlar Toshkent shahrida Gʻafur Gʻulom nomidagi adabiyot va sanʼat nashriyotida chop etilgan. Roman oxirida Miad Hakimov soʻngsoʻzi keltirilgan.
ManbalarTahrirlash
- ↑ „Choliqushi“ (ruscha). Rossiya davlat kutubxonasi. Qaraldi: 16-noyabr 2016-yil.
HavolalarTahrirlash
 |