Dalarna universiteti
60°36′N 15°39′E / 60.600°N 15.650°E
| Dalarna universiteti | |
|---|---|
 | |
| Asl nomi | Högskolan Dalarna |
| Xalqaro nomi | Dalarna University College |
| Asos solingan | 1977-yil |
| Oʻquv yurti turi | Davlat |
| Talabalari | 16.000 ta |
| Kampusi | Urban uslubida |
| Manzili | Falun va Borlänge, Dalarna, Shvetsiya |
| Vebsayti | [1] |
Dalarna universiteti (shvedcha: Högskolan Dalarna) — Shvetsiyaning Dalarna okrugidagi Falun va Borlänge shaharlarida joylashgan davlat universiteti.
Tarixi
tahrirDalarna universiteti 1977-yilda tashkil etilgan. U Dalarna shahrida, poytaxt Stokgolmdan 200 kilometr shimoli-gʻarbda joylashgan. 2023-yilgi maʼlumotlarga koʻra universitetda 13 936 talaba bor va ulardan 10 096 nafari masofaviy taʼlim shaklida tahsil oladi.[1] Universitet kampuslari viloyatning maʼmuriy markazi Falun shahrida va qoʻshni Borlänge shahrida joylashgan.
Shvetsiya Oliy taʼlim milliy agentligi tomonidan mikromaʼlumotlarni tahlil qilish, salomatlik va farovonlik boʼyicha PhD darajasini berish uchun yuqori malakali universitet hisoblanadi.
Universitetning Borlänge kampusida kompleks tizimlar va mikromaʼlumotlar tahlili boʼyicha tadqiqotlar biznes va sanoat bilan hamkorlikda olib boriladi hamda ushbu mintaqada savdo, axborot texnologiyalari, transport va turizm uchun raqobatbardoshlikni oshiradi. Ushbu fan sohasidagi tadqiqotlar universitetda taxminan 35 million SEKni tashkil qiladi. Ushbu sohada Borlänge kampusida 50 ga yaqin tadqiqotchi va oʻqituvchilar ishlaydi, bundan tashqari yana 30 nafar doktorantlar Dalarna universitetida oʻqishni yakunlashadi.
Locus talabalar turar joyi
tahrirLokus talabalar turar joyi Borlängening Tjärna Ängar tumanida joylashgan boʻlib, Shvetsiya politsiyasi tomonidan jinoyatchilik darajasi yuqori boʻlgan ijtimoiy jihatdan zaif hudud sifatida belgilangan. Bu doimiy taʼqiblar tufayli tunda yolgʻiz yurishdan uzoqlashadigan talaba qizlarning hayotini xavf ostiga qoʻyadi[2]. Shu sababdan talabalar kasaba uyushmasi kampusni Falunga koʻchirishni tavsiya qiladi[3][4].
Tashkilot
tahrirDalarna universiteti tashqi biznes va sanoat, davlat sektori va umuman jamiyat bilan yaqin hamkorlikda tadqiqot olib boradigan hamda taʼlim beradigan beshta maktab tashkil etgan[5].
- Oʻqituvchilar malakasini oshirish maktabi;
- Til, adabiyot va taʼlim maktabi;
- Madaniyat va jamiyat maktabi;
- Axborot va muhandislik maktabi;
- Sogʻliqni saqlash va farovonlik maktabi.
Havolalar
tahrirManbalar
tahrir- ↑ „Facts“. Dalarna University. Qaraldi: 2023-yil 13-dekabr.
- ↑ „Förföljelser, sexuella trakasserier och knivhot – studenter berättar om Borlänges studentboenden“ (sv). dalademokraten.se. Qaraldi: 2017-yil 9-dekabr.
- ↑ „Studentkåren vill flytta hela Högskolan Dalarna till Falun“. Dala-demokraten (2016-yil 23-sentyabr). Qaraldi: 2016-yil 6-noyabr.
- ↑ „Studenterna själva sågar Borlänge som studentstad – "Jag känner mig inte säker här!"“ (sv). dalademokraten.se. 2016-yil 24-sentyabrda asl nusxadan arxivlangan. Qaraldi: 2017-yil 9-dekabr.
- ↑ University „Organisation“. Qaraldi: 2023-yil 13-dekabr.