Deksametazon
Deksametazon – tibbiy va veterinariya maqsadlarida ishlatiladigan preparat boʻlib, sintetik glyukokortikosteroid (prednizolonga oʻxshash[1]), yalligʻlanishga qarshi va immunosupressiv taʼsirga ega. 1960-yillardan beri autoimmun kasalliklarni davolashda qoʻllanilib keladi va hozirda koʻplab kasalliklar va tibbiy holatlarni davolashda keng qoʻllanadi.
Bu dori Jahon sogʻliqni saqlash tashkilotining muhim dorilar roʻyxatiga kiritilgan boʻlib, Rossiya Federatsiyasi Sogʻliqni saqlash vazirligining hayotiy zarur va eng muhim dori preparatlari roʻyxatiga ham kiradi.
Umumiy tavsif
tahrirDeksametazon glyukokortikoid retseptorlari agonisti hisoblanadi, u kortizoldan 25 baravar kuchliroq taʼsir qiladi, 750 mkg deksametazonning yalligʻlanishga qarshi taʼsiri 5 mg prednizolonnikiga teng.