Dilshodbek Ro‘zmetov
Dilshodbek Yusupbayevich Roʻzmetov (oʻzbekcha: Dilshodbek Yusupbayevich Ro‘zmetov; 1999-yil 12-mart, Urganch, Oʻzbekiston) -oʻzbek havaskor va professional bokschisi, yengil vazn toifasida ishtirok etadi. 81 kilogrammgacha boʻlgan vazn toifasida ringga koʻtarilayotgan bokschi. Boks boʻyicha Oʻzbekiston terma jamoasi aʼzosi, 2020-yilgi Olimpiya oʻyinlari ishtirokchisi, Jahon chempionati kumush medali (2019), Osiyo chempioni (2021), havaskorlar oʻrtasidagi xalqaro va mamlakat chempionatlarining koʻp karra sovrindori.
| Dilshodbek Yusupbayevich Ro'zmetov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Oʻzbekiston |
| Tavallud sanasi |
12-mart 1999-yil Urganch, Oʻzbekiston |
| Sport | |
| Qaysi sport | boks |
| Sport mukofotlari | ||
|---|---|---|
| Jahon chempionati | ||
| Kumush | Yekaterinburg 2019 | 81kg gacha |
| Osiyo chempionati | ||
| Oltin | Dubay 2021 | 81kg gacha |
Havaskorlik faoliyati tahrir
Dilshodbek Roʻzmetov yoshligidan sport bilan shugʻullana boshlagan, jang sanʼatining turli seksiyalarida qatnashgan. Uning debyuti 2015-yilda (Sankt-Peterburg) boks musobaqasida boʻlib oʻtgan. Keyin u Edgard Sambovga yutqazib, ikkinchi oʻrinni egallagan.
Dilshodbek Roʻzmetov yarim ogʻir vazn toifasida ringga tushadi.
2019-yilda Yekaterinburgda oʻtkazilgan jahon chempionatida u finalga yetganda qozogʻistonlik bokschi Bekzod Nurdauletovga imkoniyatni boy berib, jahon chempionatining kumush medalini qoʻlga kiritadi[1]. Turnir boʻyicha Roʻzmetov raqiblari Loren Dominges va Benjamin Uittakerdan kuchliroq edi.
2020-yil mart oyida Osiyo/Okeaniya uchun saralash turniri Ammanda (Iordaniya) boʻlib oʻtgan jangda u avstraliyalik Paulo Aokusoga ochkolar hisobida yutqazdi va 2020-yilgi Olimpiya oʻyinlariga yoʻllanmani qoʻlga kirita olmadi.
U 2021-yil fevral oyida Sofiyada (Bolgariya) boʻlib oʻtgan „Stranja“ xalqaro turnirda 81 kilogrammgacha vazn toifasida finalda rossiyalik Ruslan Kolesnikov ustidan gʻalaba qozonadi va turnir gʻolibi boʻladi[2].
2021-yilning may oyida u Dubayda (BAA) yarim ogʻir vazn toifasida finalda eronlik Meysam Gheshlagini magʻlub etib, Osiyo chempioni boʻldi.
2021-yil iyul oyida Tokio Olimpiadasida musobaqaning 1/16 finalida ochkolar boʻyicha (5:0) irlandiyalik Emmett Brennanni magʻlub etdi, ammo keyin musobaqaning 1/8 finalida – koʻpchilik tomonidan raqobatbardosh jangda qaror (1:4) u Ozarbayjon terma jamoasi ishtrokchisi kubalik Loren Alfonsoga yutqazib qoʻydi – yakunda 2020-yilgi Olimpiada bronza medali sovrindoriga aylandi[3].
Ayni paytda Dilshodbek Roʻzmetov jami 17 ta jang oʻtkazgan.
Professional faoliyati tahrir
2021-yilning 17-dekabr kuni Toshkent shahrida (Oʻzbekiston) yarim ogʻir vazn toifasida tajribali rossiyalik Maksim Smirnovni (8-10-3) bir ovozdan (60-54-3 ball) magʻlubiyatga uchratib, professional boksdagi faoliyatini boshlagan.
Jahon chempionati natijalari tahrir
Birinchi raund: Shinebayar Narmandaxni (Moʻgʻuliston) 5:0 hisobida magʻlub etdi
Ikkinchi raund: Piter Pitani (Kongo Demokratik Respublikasi) 5:0 hisobida magʻlub etdi
Uchinchi raund: Andrey Aradoayni (Ruminiya) 5:0 hisobida magʻlub etdi
Chorak final: Loren Alfonsoni (Ozarbayjon) 3–2 hisobida magʻlub etdi
Yarim final: Benjamin Whittakerni (Angliya) 5:0 hisobida magʻlub etdi
Final: Bekzad Nurdauletov (Qozogʻiston) 5:0 hisobida magʻlub boʻldi
Oilasi tahrir
Dilshodbek Roʻzmetov hali uylanmagan. U ota-onasi bilan yashaydi.
Manbalar tahrir
- ↑ Kun uz. „Дилшодбек Рузметов потерпел поражение в финале ЧМ и получил серебряную медаль“ (ru). Kun.uz.
- ↑ „Странджа-2021: все победители и призёры турнира в Болгарии“ (rus). vRINGe.com (28 февраля 2021).
- ↑ Dilshod Ruzmetov provyol boy za vixod v chetvertfinal Sports.uz
Havolalar tahrir
- Dilshodbek Roʻzmetov – BoxRec