Diplomatik missiya

Diplomatik missiya — xalqaro huquqda elchi yoki ishonchli vakil tomonidan boshchilik qilinadigan diplomatik vakolatxona. Diplomatik munosabatlar toʻgʻrisidagi 1961-yildagi Vena konvensiyasiga binoan diplomatik missiya va elchixonalar diplomatik imtiyozlar va immunitetlar borasida farqlanmaydi. Diplomatik missiya atamasi koʻproq mamlakat tomonidan alohida masalalarni hal etish uchun yuboriladigan diplomatik delegatsiya yoki vakilliklarga nisbatan qoʻllanadi.