Dmitriy Kim
Dmitriy Aleksandrovich Kim (1918-yil 2-fevral, Quyi Yanchik, Nikolsk-Ussuriyskiy uezdi, Primorsk viloyati, – 1985-yil 18-noyabr) – Oʻzbekiston SSR Toshkent viloyati Yuqori Chirchiq tumanidagi Sverdlov nomidagi kolxoz raisi[1]. Sotsialistik Mehnat Qahramoni (1951).
| Dmitriy Aleksandrovich Kim | |
|---|---|
| Tavalludi |
2-fevral 1918-yil Nikolsk-Ussuriyskiy uezdi, Primorsk viloyati, RSFSR |
| Vafoti |
18-noyabr 1985-yil (67 yoshda) |
| Fuqaroligi |
 SSSR |
| Taʼlimi | Blagoveshchensk moliya-iqtisodiyot texnikumi |
| Kasbi | kolxoz raisi |
| Mukofotlari |
      |
Tarjimai holi
tahrir1918-yilda Nikolsk-Ussuriyskiy uezdi Quyi Yanchik qishlogʻida dehqon oilasida tugʻilgan. Millati koreys[1]. 1934-yilda oʻzining qishlogʻidagi yetti yillik maktabni tugatgan. Posyetovskiy tumani Kraskino qishlogʻida Rossiya Qizil Xoch boʻlimi kotibi, keyin esa shu tumanning OSOVIAXIM tuman kengashi kotibi boʻlib ishlagan. 1936-yilda Tomsk un tegirmon ishchilari fakultetiga oʻqishga kirdi. 1937-yil may oyidan Blagoveshchensk moliya-iqtisodiyot texnikumida talaba boʻlgan, shundan soʻng u 1937-yil iyuldan sentyabrgacha Kraskino qishlogʻidagi Posyetovskiy tuman moliya boʻlimida hisobchi bo'lib ishlagan.
1937-yilda Toshkent viloyatidagi maxsus aholi punktiga deportatsiya qilinadi[1]. Yangiyoʻldagi Mudofaa, aviatsiya va kimyo muhandisligini targʻib qilish jamiyati (OSOVIAXIM) zavodida ishlagan (1937—1938). 1938-yildan — oddiy kolxozchi, buxgalter, hisobchi, Yuqori Chirchiq tumani Sverdlov nomidagi kolxoz raisining oʻrinbosari. 1945-yilda shu kolxozga rais etib saylandi.
U Sverdlov nomidagi kolxozni Toshkent viloyatidagi kolxozlari orasida oldingi qatorga olib chiqdi. 1950-yilda kolxoz 295 gektar maydonning har gektaridan oʻrtacha 79,8 sentnerdan yashil kanop hosilini oldi. SSSR Oliy Kengashi Prezidiumining 1951-yil 22-maydagi farmoni bilan Lenin ordeni va O‘roq va Bolg‘a oltin medali hamda Sotsialistik Mehnat Qahramoni unvoni berilgan[2].
Uning rahbarligida Sverdlov kolxozi SSSRdagi birinchi millioner koreys kolxoziga aylandi. 21 kolxozchi Sotsialistik Mehnat Qahramoni unvoniga sazovor boʻldi. 1971-yil pensiyaga chiqqunga qadar kolxozga rahbarlik qildi.
Ittifoq ahamiyatiga ega nafaqaxoʻr. 1985-yil noyabr oyida vafot etdi. Sobiq Sverdlov nomidagi kolxoz (hozirgi Ahmad Yasaviy nomidagi fermer xoʻjaligi, Yuqori Chirchiq tumani) qabristoniga dafn etilgan[2].
Olgan mukofotlari
tahrir- Sotsialistik Mehnat Qahramoni;
- Lenin ordeni;
- Mehnat Qizil Bayroq ordeni (1957);
- „Hurmat Belgisi“ ordeni
- „1941-1945 yillar Ulugʻ Vatan Urushida jasorat bilan qilgan xizmatlari uchun“ medali;
- „Mehnatda oʻrnak koʻrsatganlik uchun“ medali (1965);
- Oʻzbekiston SSRda xizmat koʻrsatgan paxtakor (1964).
Adabiyotlar
tahrir- Shin D. V., Sovetskie koreysi Geroi Sotsialisticheskogo truda, Almati: Service Press, 2019
- Z. V., Pan N. G. Geroi Sotsialisticheskogo Truda – kazaxstansi, Alma-Ata, 1969—1985, tt. 1-5
- Men D. V., Kvon L. A., Kim, Sovetskie koreysi Kazaxstana, Almati, 1992
- Kim P. G., Koreysi Respubliki Uzbekistan, Tashkent: Uzbekiston. 1993
- Kan G. V., Istoriya koreysev Kazaxstana, Almati: Gilim, 1995
- Kim G. N., Men D. V., Istoriya i kultura koreysev Kazaxstana, Almati: Gilim, 1995
- Kim B. I., Koreysi Uzbekistana. Kto est kto, Tashkent, 1999