Eva Repkova
| Eva Repkova | |
|---|---|
 | |
| Mamlakat |
Chexoslovakiya (1992-yilgacha) Slovakiya (1992–1997, 2001-yildan) Livan (1997—2001-yillar oralig`i) |
| Tugʻilishi |
16-yanvar 1975-yil Stará Ľubovňa, Chexoslovakiya |
| Saravha | Xalqaro shaxmat ustasi(2007-yil), ayol grosstmeyster (1995-yil) |
| FIDE reyting | [1] (fevral 2024) |
| Yuqori reytingi | 2447 (2010-yil) |
Eva Repkova (talaffuzi: Yeva Repkova;1975-yil 16-yanvarda Stará Lubovna shahrida tugʻilgan) slovakiyalik shaxmatchi, FIDE xalqaro ustasi (IM) va ayol grossmeyster (WGM) unvonlariga ega. U 1991-yilda ayollar oʻrtasida Chexoslovakiya chempioni, 2003, 2010 va 2013-yillarda ayollar oʻrtasida Slovakiya chempioni boʻlgan.
Shaxmatdagi faoliyati
tahrirRepkova besh yoshida ota-onasining yakshanba kunlari shaxmat oʻynashini tomosha qilib, shaxmat oʻynashni oʻrgangan. U 1987-yilda 12 yoshida ayollar oʻrtasida Slovakiya chempioni boʻldi va 1991-yili Pardubice shahrida boʻlib oʻtgan Chexoslovakiya ayollar shaxmat chempionatida gʻolib boʻldi.
Repkova 1988-yili Timisoarada 14 yoshgacha boʻlgan qizlar oʻrtasida shaxmat boʻyicha jahon chempionatida hamda 1991-yili Guarapuava va 1993-yili Bratislavada oʻtkazilgan 18 yoshgacha boʻlgan qizlar oʻrtasida shaxmat boʻyicha jahon chempionatida kumush medallarni qoʻlga kiritdi.[1] 1995-yilda u Halle shahrida boʻlib oʻtgan 20 yoshgacha boʻlgan qizlar oʻrtasidagi shaxmat boʻyicha jahon chempionatida Nino Khurtsidzedan keyin tay-brekda ikkinchi oʻrinni egalladi.
Repkova 1992-yilda 30-shaxmat Olimpiadasida Chexoslovakiya shaʼnini himoya qilgan va 1994—2016-yillarda sakkizta shaxmat olimpiadasida ayollar jamoasining 1-bortida Slovakiya nufuzini himoya qilgan. Uning eng yaxshi natijasi 1992-yili Maniladagi Olimpiadadagi debyuti boʻlib, u yerda 9½/13 ball toʻpladi va 3-oʻrinni egalladi.[2]
U 1992-yilda Chexoslovakiya va 2001-yilda Slovakiya terma jamoasida ayollar oʻrtasida shaxmat boʻyicha Yevropa chempionatida ishtirok etgan va 2001-yil Leonda shaxsiy kumush medalni qoʻlga kiritgan.[3]
Livanlik xalqaro usta Fadi Eid bilan birinchi turmushidan keyin Repkova 1998-yilda Agadirda va 2000-yilda Bayrutda shaxmat boʻyicha Arab ayollar chempionatida gʻoliblikni qoʻlga kiritdi. U shaxmat boʻyicha ayollar oʻrtasidagi Osiyo chempionatida ikki marta Tehronda Subbaraman Vijayalakshmidan va 1998-yilda Genting togʻlarida Xu Yuhuadan keyin ikkinchi oʻrinni egalladi.[1][4]
Eva Repkova 2003-yilda Tatranské Zruby, 2010-yil Banska Stiavnica[5] va 2013-yilda Banska Stiavnicada boʻlib oʻtgan Slovakiya ayollar shaxmat chempionatida gʻolib boʻlgan.[6]
U turli xalqaro turnirlarda, jumladan 2003[7] va 2013-yillarda Rijekadagi Oʻrta yer dengizi gullari turnirida,[8] 2003-yilda Punatda va 2005-yildaMalinskada boʻlgan Mediterranean Golden Island ayollar turnirida hamda 2009-yilgi Orxusda boʻlib oʻtgan Summer-A IMda gʻolib boʻlgan.[1][9]
Repkova 2005 va 2006-yillarda ochiq shaxmat boʻyicha Mitropa kubogida Slovakiya shaʼnini himoya qilib, Steinynbrunn 2005da bronza medalini qoʻlga kiritdi.[10] 2013-yilda Meissen shahrida boʻlib oʻtgan shaxmat boʻyicha ayollar oʻrtasidagi Mitropa kubogida Slovakiya sharafini himoya qilib, shaxsiy va jamoaviy oltin medallarni qoʻlga kiritdi.[11]
Repkova 1995-yilda ayol grossmeyster (WGM), 2007-yilda esa xalqaro usta (IM) unvoniga sazovor boʻlgan.
Shaxsiy hayoti
tahrirRepkova livanlik xalqaro shaxmat ustasi Fadi Eidga turmushga chiqqan va 1997-yildan 2001-yilgacha Livan vakili boʻlgan. 1998-yil oktyabr oyida ularning oʻgʻli Christopher Repka tugʻildi, u oʻz yosh toifasida bir necha bor oʻsmirlar oʻrtasida shaxmat boʻyicha Slovakiya chempionatida gʻolib boʻldi va 2018-yilda grossmeyster unvoniga erishdi.[12] 2002-yilda Eva Repkova Internet shaxmat klubi asoschisi boʻlgan FIDE ustasi Erik Petersonga turmushga chiqdi. Peterson va uning akasi bilan birgalikda Repkova xalqaro miqyosda boshqariladigan Ferimex IT kompyuter kompaniyasini boshqaradi. Repkova 2013-yilda Peterson bilan ajrashgan.
Repkova slovak, ingliz, rus va nemis tillarini biladi.
Manbalar
tahrir- ↑ 1,0 1,1 1,2 Big Database 2013, ChessBase GmbH
- ↑ Eva Repková Chess Olympiad results, www.olimpbase.org
- ↑ Eva Repková European Womenʼs Team Championship results, www.olimpbase.org
- ↑ New Asian woman champion Quah Seng Sun, April 24, 1998
- ↑ Šach: Čech Cvek medzinárodným majstrom Slovenska (Slovak)
- ↑ Swordplay in Slovakia Milan Maros — ChessBase News, www.chessbase.com
- ↑ „Cvijet Mediterana WGM In. Tournament report July 2003.“. FIDE. Qaraldi: 6-noyabr 2015-yil.
- ↑ Eva Repkova wins 13th Flower of the Mediterranean Tournament, www.chessdom.com
- ↑ IM Eva Repkova — Slovakia[sayt ishlamaydi], www.ferimex.com
- ↑ Eva Repková Menʼs Mitropa Cup results, www.olimpbase.org
- ↑ Eva Repková Womenʼs Mitropa Cup results, www.olimpbase.org
- ↑ FIDE Chess Profile: Repka, Christopher
Havolalar
tahrir- Eva Repkova chess games at 365Chess.com