Fatih Mehmet Maçoğlu (1968 yil 20 dekabrda tugʻilgan; Ovajik, Tunjeli), asli kelib chiqishi kurd bo'lgan laboratoriya xodimi va Tunjeli viloyatining saylangan hokimi. 2014-yil Turkiyadaning mahalliy saylovlarda Machogʻlu Turkiya Kommunistik partiyasidan nomzod sifatida Ovajik shahar hokimi etib saylanadi va u ayni paytda Turkiyaning ilk TKP partiyasidan saylangan hokimi hisoblanadi. Machogʻlu saylovda Turkiya Kommunistik partiyasi (TKP) va Demokratik Huquqlar Federatsiyasi (DHF)ning nomzodi sifatida ishtirok etgan edi.

Mochoʻgʻli Tunjelining Chemberlitosh qishlogʻida yashab kelgan alaviy zaza oilasida tugʻiladi. Boshlang‘ich taʼlimni Ovajikda, o‘rta taʼlimni Bingol salomatlik kasb-hunar liseyida tamomlaydi. Mehnat faoliyatini 1989-yilda Koʻniyaning Bo‘zqir tumanida sog‘liqni saqlash xodimi sifatida boshlaydi. 1992-2007 yillarda Tunjelining Pertek tumanida faoliyatini davom ettiradi. 2006-yilda Chilimli tuman boshqaruviga tayinlanadi, ammo bu qarorni amalga oshirishning iloji bo‘lmaydi. U 2007 yildan boshlab Tunjeli davlat kasalxonasining tez yordam boʻlimida tibbiyot xodimi boʻlib ishlay boshlaydi. Sogʻliqni saqlash va ijtimoiy xizmat xodimi, kasaba uyushmasi aʼzosi oʻlgan Machogʻlu uylangan va 2 nafar farzandi bor.

Ovajik shahar hokimligi tahrir

Mochoʻgʻli 2014-yilgi mahalliy saylovlar uchun davlat lavozimidan isteʼfoga chiqadi va Tunjelining Ovajik tumani hokimligiga oʻz nomzodini qoʻyadi va saylovda g‘alaba qozonadi.

Uning raqibi, avvalgi shahar hokimi Mustafo Sariqgul (BDP) 2009-yilda boʻlib oʻtgan mahalliy saylovlarda Ovajik shahar hokimi boʻlish uchun Respublika Xalq partiyasidan oʻz nomzodini qoʻyib, gʻalaba qozongandi. Ammo 2013-yilning iyulida Respublika Xalq partiyasining pozitsiyasiga norozilik bildiradi va isteʼfoga chiqadi. Keyinchalik esa Tinchlik va Demokratiya partiyasiga qoʻshiladi. 2014-yil Turkiyadagi mahalliy saylovlarda Fotih Mehmed Mocho‘g‘li Turkiya Kommunistik partiyasidan oʻz nomzodini qoʻyadi va 36,1 % ovoz oladi Shu tariqa Mochoʻgʻli Turkiya Kommunistik partiyasidan shahar hokimligini qo‘lga kiritgan birinchi shaxsga aylanadi[1].

Mochoʻgʻlu, davlat gʻaznasiga tegishli 650 gektar yerga noʻxat, quruq loviya va kartoshka ekib, undan olingan daromad bilan tumandagi kam taʼminlangan oilalarga yordam berib keladi va 78 nafar talabaga oyiga 200 liradan stipendiya ajratadi. Ayni paytda hokimlikka tegishli boʻlgan avtomabillarni sottiradi. Oʻzi esa jamoat transportidan foydalanib keladi. Shahar avtobuslarini hokimlik hisobiga oʻtkazib, transportdan foydalanishni mutlaqo bepul qilib qoʻyadi. Bundan tashqari Tunjelida 10 ming kitobni oʻzida jamlagan ikkita kutubxona tashkil qildiradi.



Tunjeli Viloyat hokimligi tahrir

2019-yil 31-mart kuni boʻlib oʻtgan mahalliy saylovlarda Ovajik shahar hokimi va TKP nomzodi, kommunist shahar hokimi sifatida tanilgan Fatih Mehmet Mochogʻlu Tunjelining yangi hokimi etib saylanadi. Shu tariqa Fatih Mehmet Machoʻgʻli TKPdan Turkiyaning birinchi viloyat hokimiga ham aylangandi.

Fotih Mehmet Mocho‘g‘li, Tunjeli hokimi bo‘lib ishlagan vaqtlarda 2020-yil 22-iyun kuni shifoxonada yotqiziladi, Unda koronavirus testi natijasiga koʻra koronavirus aniqlangan edi. Biroz vaqt oʻtgach, Mochoʻgʻli COVID-19 dan tuzalib ketadi[2].

Manbalar: tahrir

  1. „Komünist nohut, üniversitelileri okutuyor“ (2009-yil 10-noyabr). 2010-yil 6-yanvarda asl nusxadan arxivlangan. Qaraldi: 2022-yil 12-oktyabr.
  2. „Tunceli Belediye Başkanı Fatih Mehmet Maçoğlu'nun koronavirüs testi pozitif çıktı“ (2020-yil 20-aprel). 2020-yil 26-aprelda asl nusxadan arxivlangan. Qaraldi: 2022-yil 12-oktyabr.