Fukuoka minorasi

Fukuoka minorasi (yaponcha: 福岡タワ, Fukuoka Tava) — Yaponiyaning Fukuoka shahridagi Momotikama tumanida joylashgan 234 metr balandlikdagi osmonoʻpar bino. Bu Yaponiyadagi eng baland qirgʻoq binosi. Uning qurilishi 1989-yilda yakunlangan. Bunga bor-yoʻgʻi 14 oy va 6 000 000 000 ¥ (2015 -yil kursida taxminan 50 000 000 AQSh dollari) kerak boʻldi. Osmonoʻpar bino Nikken Sekkei tomonidan ishlab chiqilgan.

Fukuoka minorasi
Muqobil nomlari	Oynali yelkan
Umumiy maʼlumot
Shahar	Savara
Mamlakat	Yaponiya
Qurilishi boshlangan	1987-yil 14-oktabr
Balandligi
Balandligi	234 m
Vazni	25 000 tonna (yet osti qismi) 3 500 tonna (yer usti qismi)
Dizayn va konstruksiya
Meʼmor	Nikken Sekkei
https://www.fukuokatower.co.jp/
Fukuoka minorasi

Tavsifi

U 1989-yilda Fukuokaning shahar sifatida 100 yilligini nishonlash uchun oʻtkazilgan Osiyo-Tinch okeani koʻrgazmasi uchun joy sifatida qurilgan Shisaido Momote Promenadening bir qismidir. Minora etagida, Hakata koʻrfazi qirgʻogʻida sun'iy plyaj bor va uning boʻylab Momotihama bogʻi joylashgan.

Fukuoka minorasi besh qavatdan iborat. Birinchisida doʻkonlar, ikkinchisida - turli maqsadlar uchun zal, uchinchidan beshinchigacha - uchta kuzatuv platformasi: birinchisi 116 m balandlikda, ikkinchisi 120 m balandlikdagi restoran joylashgan va uchinchisi yerdan 123 m balandlikda. Kuzatuv maydonchalaridan tashrif buyuruvchilar Fukuoka shahri va Hakata koʻrfazining 360 graduslik panoramasini va ochiq kunlarda Dazaifu shahrigacha boʻlgan yoʻlni koʻrishlari mumkin.

Yil davomida turli xil chiroqli shoular oʻtkaziladi, jumladan tematik va Rojdestvo va Tanabata kabi bayramlarga bagʻishlangan.

Bino koʻndalang kesimida uchburchak shaklida boʻlib, yuzasi 8000 ta yarim oynalar bilan qoplangan. Buning uchun Fukuoka minorasi norasmiy "Mirror Sail"(oʻbekcha: Oynali yelkan) nomini oldi. Er osti qismining ogʻirligi 25 ming tonnani tashkil etadi, garchi yer usti qismi uchun bu koʻrsatkich bor-yoʻgʻi 3500 tonnani tashkil etadi.

Loyihaga koʻra, minora Rixter shkalasi boʻyicha 7 ballgacha boʻlgan yer silkinishlariga va 65 m/s tezlikkacha shamol tezligiga bardosh berishi kerak. Hududda qayd etilgan eng kuchli zilzila 6 magnitudali, eng kuchli shamol esa 49 m/s edi.