Gleb Vanag
Gleb Alekseyevich Vanag (1922-yil 26-aprel – 1991-yil 13-noyabr) Chkalov nomidagi Novosibirsk aviatsiya zavodi direktori. Sotsialistik Mehnat Qahramoni, SSSR Davlat mukofoti laureati.
| Gleb Vanag | |
|---|---|
| Tavalludi |
26-aprel 1922-yil |
| Vafoti |
13-noyabr 1991-yil Novosibirsk |
| Fuqaroligi |
 SSSR |
Tarjimai holi tahrir
Gleb Vanag 1922-yil 26-aprelda Toshkent shahrida ishchi oilasida tavallud topgan. 1940-yilda 12-sonli maktabning 10-sinfini tamomlagan. Qozon aviatsiya instituti ustaxonalarida elektrik boʻlib ishlagan[1].
Gleb 1950-yilda Qozon aviatsiya institutini tamomlagan. 1950–1962-yillarda V. P. Chkalov nomidagi Novosibirsk aviatsiya zavodida katta muhandis, mexanik, qator boshligʻi, boshliq oʻrinbosari va parvoz-sinov stansiyasi boshligʻi boʻlib ishlagan. MiG-15, MiG-17, MiG-19, Su-9 reaktiv qiruvchilari samolyotlarini sinovdan oʻtkazishda ishtirok etdi.
1962–1963-yillarda Novosibirsk Elektragregat zavodi direktori lavozimida faoliyat olib borga. 1963–1964-yillarda-Gʻarbiy Sibir Sovnarxozining agregat qurilishi boshqarmasi boshligʻi boʻlib ishlagan.
1964–1982-yillarda V. P. Chkalov nomidagi Novosibirsk aviatsiya zavodi direktori boʻlgan. Uning rahbarligi davrida korxonaning ijtimoiy bazasi faol rivojlandi. Ishchi xodimlar uchun uylar, profilaktoriyalar, V. P. Chkalov nomidagi madaniyat saroyi qurildi[2].
Besh yillik rejani amalga oshirishdagi alohida xizmatlari uchun Vanag Gleb Alekseyevich 1971-yil 26-apreldagi SSSR Oliy Soveti Prezidiumining farmoni bilan Sotsialistik mehnat qahramoni unvoni, Lenin ordeni va „Oʻroq va bolgʻa“ oltin medali bilan taqdirlandi.
Gleb 1975–1980-yillarda RSFSR Oliy Kengashi deputati etib saylandi. Gleb Aleksandrovich Novosibirskda yashagan. U 1991-yil 13-noyabrda vafot etgan va Novosibirskdagi Zayeltsovskoye qabristoniga dafn etilgan.
Mukofotlari tahrir
Vanag 2 ta Lenin ordeni, Oktyabr inqilobi ordeni, „Shon-sharaf belgisi“ ordeni va medallar bilan taqdirlangan. SSSR Davlat mukofoti sovrindori.
Xotirasi tahrir
V. P. Chkalov nomidagi Novosibirsk APO maʼmuriy binosiga Qahramon xotirasiga yodgorlik lavhasi oʻrnatilgan.
Manbalar tahrir
- ↑ „ВАНАГ ГЛЕБ АЛЕКСЕЕВИЧ“. Qaraldi: 2023-yil 4-noyabr.
- ↑ „Герои Социалистического труда Новосибирской области“. Qaraldi: 2023-yil 4-noyabr.