Grigoriy Ivanov
Grigoriy Ivanovich Ivanov (1841—1899) – general-leytenant, Turkiston yurishlari qatnashchisi, Yettisuv kazak armiyasining atamani[1].
| Grigoriy Ivanov | |
|---|---|
 | |
| Asl ismi | ruscha: Григорий Иванович Иванов |
| Tavalludi | 1841 yil 17 sentyabr |
| Vafoti | 1889-yil |
| Qoʻshin turlari | kazak va piyoda qoʻshinlar |
| Unvoni | general-leytenant |
| Qoʻmondonlik qilgan |
3-Turkiston saf batalyoni, Yettisuv kazak armiyasi |
| Jang/urush |
Turkiston yurishlari Xiva yurishi (1873) |
Biografiyasi
tahrir1841-yil 17-sentyabrda tugʻilgan va Brest Aleksandrov kadet korpusini tugatgandan soʻng[2] 1859-yil 16-iyunda 9-artilleriya brigadasining praporshigi lavozimiga tayinlangan. 1863-yil 26-avgustda unga ikkinchi leytenant unvoni berilgan.
1864-yilda Bosh shtabning Nikolayev akademiyasida kursni tamomlagan va Orenburg oʻlkasi qoʻshinlarida turli shtat lavozimlarida xizmat qilgan. 1865-yil 25-avgustda u leytenant unvonini oldi, 1867-yil 30-avgustda shtab kapitanligiga va 1869-yil 30-avgustda kapitan unvoniga koʻtarilgan. 1870—1871-yillarda Ivanov Shahrisabz begi Jo‘rabekka qarshi harbiy harakatlarda qatnashgan.
1873-yilda Xiva yurishida qatnashib, qilich bilan birgalikdagi 4-darajali Avliyo Vladimir, 3-darajali Avliyo Stanislav bilan taqdirlangan (ikkalasi ham 1874-yil) Peterburgga yuborilib, Xiva yurishi tavsifini tuzishda qatnashgan. 1874-yil 31-martda podpolkovnik unvonini olgan va oʻsha yilning 13-dekabridan 1876-yil 23-aprelgacha 3-Turkiston saf batalyoniga qoʻmondonlik qilgan[3].
1877-yil 27-martda polkovnik unvoni, 1878-yil 30-iyunda esa 6-zaxira piyoda qoʻshinlar diviziyasining shtab boshligʻi etib tayinlangan, oʻsha yilning 9-dekabridan 34-piyoda qoʻshinlar diviziyasida ham xuddi shu lavozimda faoliyat yuritgan.
1880—1881–yillarda Ahal Teke ekspeditsiyasida qatnashgan, 1882-yilda oʻzining xizmati uchun „Jasorati uchun“ yozuvi tushirilgan oltin qurol bilan taqdirlangan. 1882-yil 22-iyundan 1887-yil 15-iyungacha Ivanov Bosh shtabning Osiyo qismiga rahbarlik qilgan.
1887-yil 6-mayda general-mayor lavozimiga koʻtarilgan Ivanov 1887-yil 15-iyundan Yettisuv viloyatining harbiy gubernatori va Yettisuv kazak armiyasining atamani boʻlib xizmat qilgan. 1896-yil 14-mayda general-leytenant unvonini olgan[4].
1899-yilda vafot etgan[3].
Manbalar
tahrir- ↑ „НАКАЗНЫЕ АТАМАНЫ СЕМИРЕЧЕНСКОГО КАЗАЧЬЕГО ВОЙСКА“. dzen.ru. Qaraldi: 29-oktabr 2023-yil.
- ↑ Бригадин П. И., Лукашевич А. М.. Мятежный корпус: из истории Александровского Брестского кадетского корпуса (1842–1863), 200 экз, Минск: ГИУСТ БГУ, 2007. ISBN 978-985-6739-74-6.
- ↑ 3,0 3,1 Ивановы // Harbiy ensiklopediya / V. F. Novitskiy … [va b.]. — 1911—1915.
- ↑ Список генералам по старшинству. Составлен по 1 сентября 1896 года. СПб., 1896