Gulruxsor Ergasheva
Gulruxsor Surxoniddinovna Ergasheva (1974-yil 13-mart, Beshariq tumani, Fargʻona viloyati, Oʻzbekiston SSR) — oʻzbekistonlik olima, pedagogika fanlari doktori, professor.
| Gulruxsor Surxoniddinovna Ergasheva | |
|---|---|
 | |
| Tavalludi |
13-mart 1974-yil Beshariq tumani, Oʻzbekiston SSR |
| Fuqaroligi |
 Oʻzbekiston |
| Kasbi | biolog |
| Sohasi | pedagogika |
| Taʼlimi | Toshkent davlat pedagogika instituti |
| Ilmiy darajasi | pedagogika fanlari doktori |
| Ilmiy unvoni | professor |
Biografiyasi tahrir
Gulruxsor Ergasheva 1974-yil 13-mart Beshariq tumani Shoberdi qishlogʻida tugʻilgan[1]. 1996-yilda Toshkent davlat pedagogika institutining tabiiy fanlar fakultetini tamomlagan. 1995—1997-yillarda Beshariq tumanidagi 44-maktabning biologiya fani oʻqituvchisi, 1998—2000-yillarda Toshkent shahri Shayxontohur tumanidagi 13-maktabning biologiya fani oʻqituvchisi, 2000—2003 yillarda Oʻzbekiston Pedagogika fanlari ilmiy tadqiqot instituti aspiranti, 2003—2004-yillarda ushbu institutning ilmiy xodimi, 2004—2005-yillarda Toshkent davlat pedagogika universiteti tabiiy fanlar fakulteti biologiya va inson hayotiy faoliyati muhofazasi kafedrasi oʻqituvchisi, 2005—2006-yillarda kafedraning katta oʻqituvchisi, 2006—2008-yillarda kafedra dotsenti, 2008—2012-yillarda Toshkent davlat pedagogika universiteti doktoranti, 2012—2015-yillarda Toshkent davlat pedagogika universiteti „Biologiya va uni oʻqitish metodikasi“ kafedrasi dotsenti, 2015—2017-yillarda universitetning „Hayot faoliyati xavfsizligi“ kafedrasi mudiri, 2018—2019-yillarda universitetning Ilmiy innovatsiyalarni tijoratlashtirish boʻlimi boshligʻi, 2020-yildan universitetning Boshlangʻich taʼlim fakulteti dekani va „Biologiya va uni oʻqitish metodikasi“ kafedrasi professori[1].
Oilasi tahrir
Oilali, 4 nafar farzandi bor[1].
Ilmiy faoliyati tahrir
2006-yilda „Biologiya darsliklari oʻquv materiallarini loyihalashning didaktik asoslari“ mavzusida nomzodlik dissertatsiyasini himoya qilgan va pedagogika fanlari nomzodi ilmiy darajasini olgan, 2018-yilda „Biologiya taʼlimida interaktiv dasturiy vositalardan samarali foydalanishni takomillashtirish“ mavzusida doktorlik dissertatsiyasini yoqlagan, pedagogika fanlari doktori (DSc) ilmiy darajasini olgan. 110 dan ortiq ilmiy maqola va tezislar, 20 dan ortiq metodik, oʻquv qoʻllanmalar va darsliklar muallifi[1].