Halima Ahmedova
Halima Ahmedova — shoira, O‘zbekiston yozuvchilar uyusmasi aʼzosi, koʻplab sheʼriy kitoblar muallifi[1].
| Halima Ahmedova | |
|---|---|
| Tavalludi |
1-oktyabr 1960-yil Poʻlot qishlogʻi, Qiziltepa tumani Buxoro(hozirgi Navoiy viloyati, Oʻzbekiston |
| Fuqaroligi |
 UZB |
| Millati | O'zbek |
| Sohasi | shoira, publitsist, jurnalist |
| Mashhur ishlari |
„Nigoh qiblasi“ „Yosuman gulining soyasi“ „Tashbeh“ |
Tarjimai hol tahrir
Halima Ahmedova — 1960 yil 1 oktyabrda Buxoro viloyati (hozirgi Navoiy viloyati)ning Qiziltepa tumani Poʻloti qishlogʻida tugʻilgan. Maktabni tugatib, 1978-1983-yillarda Toshkent davlat universiteti (hozirgi O‘zMU)ning filologiya fakultetida, 1998-1991-yillarda Moskvadagi Oliy adabiyot kursida tahsil olgan[2].
Faoliyati tahrir
Mehnat faoliyatini dastlabki yilini oʻqituvchilikdan boshlab, Navoiy shahar pedagogika bilim yurtida dars berishdan boshladi. Jurnalistikiga boʻlgan mehri uni „Do‘stlik bayrog‘i“ gazetasiga yetaklaydi 1984-1985-yillarda gazeta tahririyatida, 1986-1988 yillari G‘afur G‘ulom nomidagi Adabiyot va sanʼat nashriyotida muharrir vazifasida faoliyat yuritgan.
1988-1990-yillari Moskvadagi Oliy adabiyot kursida tahsil olgan. 1990-1991 yillari O‘zbekiston Yozuvchilar uyushmasi qoshidagi adabiyot jamg‘armasida, 1994-1998 yillari „Tong yulduzi“ gazetasida ishlagan. 1998-yildan O‘zbekiston radiosida muharrir lavozimida faoliyatini davom ettirmoqda[3].
Ijodi tahrir
Shoiraning ilk kitobi 1986-yili „Koʻzimning tili“ nomi bilan chop etilgan. Keyinchalik u quyidagi kitoblarni nashardan chiqardi:
- 1987-yili „Tungi marvaridgullar“;
- 1996-yili „Erk darchasi“;
- 2005-yili „Tiyramoh“;
- 2007-yili „Afsun“;
- 2008-yili „Umid soyasi“;
- 2011-yili „Nigoh qiblasi“;
- 2012-yili „Shafaq ibodati“;
- 2013-yili „Yosuman gulining soyasi“;
- 2016-yili „Yashil“, „Tashbeh“ singari kitoblari nashr etilgan.
Mukofoti tahrir
Halima Ahmedova Londonda oʻtkazilgan „Markaziy Osiyo kitob forumi va adabiyoti festivali“ning „Adabiy asar“ nominatsiyasidagi mukofotiga sazovor boʻlgan.