Hikmatlar asari

Hikmatlar asari — turkman shoiri Mahtumqulining hikmatlari jamlangan toʻplam. Ushbu toʻplamda turkman shoiri Maxtumquli sheʼrlaridan tarjimalari orasidan tanlab olingan hikmatli soʻzlar asosida tartib berilgan. Hikmatlar filologiya fanlari nomzodi Ergash Ochilov tomonidan turkman tilidan oʻzbek tiliga oʻgirilgan. 2015-yil Toshkent shahrida Oʻzbekiston nashriyot-matbaa ijodiy uyi tomonidan oʻzbek tilining lotin alifbosida nashr etilgan.

Hikmatlar

Muallif(lar)	Maxtumquli
Muharrir(lar)	J.Karamatov
Tarjimon(lar)	Ergash ochilov
Bezovchi(lar)	H.Qutluqov
Mamlakat	Turkmaniston
Til	turkman
Nashriyot	„Oʻzbekiston“ nashriyot-matbaa ijodiy uyi
Oʻzbek tilida nashr etilgan sanasi	2015
Sahifalar soni	248
ISBN	978-9943-01-924-9
Avvalgisi	2013
Keyingisi	2015

Haqida

Turkmanistonlik shoir Mahtumquli ijodida turli xil manbalardan foydalangan. Jumladan, Qur’oni karim va unga yozilgan tafsirlar, hadislar va turli diniy adabiyotlar, tasavvuf falsafasi va sheʼriyati, sharq mumtoz adabiyoti va xalq ijodiyoti. Shuning uchun shoir ijodida islomiy mavzularni ham, soʻfiyona ruhni ham, xalqona ohanglarni ham, mumtoz adabiyot taʼsiri ham sezamiz. Ular oʻzaro omuxta boʻlib, Mahtumquli asarlarining badiiyati, taʼsirchanligi va umrboqiyligini taʼminlagan. Ammo pand-nasihat shoir sheʼriyatining bosh mavzusini tashkil qilgan. Uning sheʼrlarida xalqona falsafa kuchli, nasihat ruhi yetakchi-u koʻrgan kechirganlarini tasvirlab, ular yuizasidan fikrini bayon etadi, xulosa chiqaradi. Toʻplamdagi Mahtumquli sheʼrlarida yaxshi va yomon, mard va nomard, halol va harom, urush va tinchlik, doʻst va dushman, ittifoq va adovat, oqil va johil, maʼrifat va jaholat, savob va gunoh, yoshlik va keksalik, shodlik va qaygʻu, saxiylik va baxillik, botirlik va qoʻrqoqlik, haqiqat va yolgʻon kabi tushunchalarni bir-biriga zid qoʻyadi va bu orqali ularning tafovutlarini ochib beradi.