Ikki jangchi

"Ikki jangchi" — 1943-yilda rejissor Leonid Lukov tomonidan Ulugʻ Vatan urushi yillarida Toshkentda evakuasiya sharoitida suratga olingan badiiy film. 1963-yilda M.Gorkiy nomidagi kinostudiya filmning “yangi nashri”ni yaratdi. Lev Slavinning "Mening vatandoshlarim" romani asosida Ulugʻ Vatan urushi davridagi ikki sovet jangchilarining abadiy doʻstligi haqida hikoya qiladi.

Ikki jangchi
Rejissyor(lar)	Leonid Lukov
Ssenariynavis(lar)	Yevgeniy Gabrilovich
Rollarda	Boris Andreyev Mark Bernes
Bastakor(lar)	Nikita Bogoslovskiy
Studiya(lar)	Oʻzbekfilm
Chiqarilgan sanasi	1943
Davomiyligi	80 min.
Mamlakat	SSSR
Til	ruscha

Syujeti

1941-yil edi. Oʻsha mahalda Leningrad frontida ogʻir va shiddatli janglar ketardi. Ajralmas doʻstlik rishtalari shiddatli janglarning qiyin damlarida jangchilarga yordam berdi. Odessalik payvandchi, pulemyotchi Arkadiy Dzyubin Ural poʻlat ishlab chiqaruvchisi Sasha Svinsov bilan qalin doʻst boʻlishga ahdlashishdi. Ammo chin doʻstlar bir kuni jiddiy janjallashib qolishadi: bir kunlik ta’til olgan ikki doʻst Leningrad boʻylab sayr qilishadi. Sasha doʻstiga shaharda Tasya ismli qizi borligini,  qiz uni mehmonga taklif qilganini aytadi. Oqshom esa doʻstlar Tasyanikiga borishganida, Arkadiy bir daqiqa ham ularni zeriktirmadi. U hazil mutoyibaga boy voqealarni aytib, qoʻshiq ham kuyladi. Ammo Sasha hamon gʻamgin edi.

Arkadiy va Sasha tungi payt oʻzlarining harbiy qismlariga qaytib kelishganida, shiddatli jang boʻlib, koʻplab quroldoshlari halok boʻlganligi ma’lum boʻladi. Jangchilarni ruhini koʻtarish uchun Arkadiy oʻzining odatiy aql-zakovati bilan oʻrtoqlariga Sashaning "baxtsiz" sevgisi haqida gapirib beradi. Svinsov doʻstining bu hazilidan xafa boʻlib, ular bahslashib qolishadi, lekin bu bahs uzoqqa choʻzilmaydi. Bu orada jang shiddatli tus oladi va Dzyubin bunkerni hujum qilayotgan dushmandan himoya qiladi.

Jiddiy jarohat olgan jangchi vazifani uddasidan chiqadi. Doʻsti uchun Sasha oʻz hayotini xavf ostiga qoʻyib, yarador doʻstini jang maydonidan olib chiqadi.

Rollarda

• Mark Bernes - Arkadiy Dzyubin
• Boris Andrev - Sasha Svinsov
• Vera Shershneva - Tasya
• Yanina Jeymo - hamshira
• Maksim Shtraux - professor
• Ivan Kuznesov - Galanin
• Stepan Krilov - mayor Rudoy
• Lavrentiy Masoxa - Okulit
• Andrey Sova - artilleriyachi

Suratga olish guruhida

• Ssenariy muallifi: Yevgeniy Gabrilovich
• Rejissor: Leonid Lukov
• Operator: Aleksandr Gunzburg
• Rassom: Vladimir Kaplunovskiy
• Bastakor: Nikita Bogoslovskiy
• She’r muallifi: Vladimir Agatov
• Ovoz rejissori: Arnold Shargorodskiy

Qoʻshiqlar

“Qorongʻu tunlar” va “Shalandlar, toʻla baliqlar” qoʻshiqlari (Nikita Bogolovskiy musiqasi, Vladimir Agatov she’ri) Mark Bernes tomonidan kuylangan va u filmga katta shuhrat olib kelgan.

Havolalar

• "Rossiya kinosi entsiklopediyasi" saytida "Ikki jangchi "