Istanbul universiteti Iqtisodiyot fakulteti

Istanbul universiteti Iqtisodiyot fakulteti Turkiyadagi birinchi nomi Iqtisodiyot fakulteti boʻlgan taʼlim muassasasidir. Mamlakatdagi eng qadimiy va eng yirik taʼlim muassasasi bo‘lgan, tashkil etilishi 1453-yilga borib taqaladigan Istanbul universiteti tarkibidagi Iqtisodiyot fakulteti 1936-yil 14-dekabrda tashkil etilgan. U Istanbul universiteti Beyazit kampusida joylashgan.

Istanbul universiteti Iqtisodiyot fakulteti

Ishga tushgan sanasi	14-dekabr, 1936
Joylashuvi	Beyazıt, Fotih, Istanbul
Vebsayti	http://iktisat.istanbul.edu.tr/
Til(lar)i	turkcha

Chet ellik asoschi professorlar

Iqtisodiyot fakultetini tashkil etishda Ikkinchi jahon urushi oldidan Germaniyadan qochib Turkiyagadan boshpana topgan bir qancha nemis yahudiy olimlari qatnashdilar. Ulardan baʼzilari:

• Faxriy professorUmberto Ricci
• Fax. professorJozef Dobretsberger
• Fax. professorVilgelm Röpke
• Fax. professorFritz Noymark
• Fax. professorAleksandr Rustov
• Fax. professorAlfred Isaak
• Fax. professorGerxard Kessler

Bitiruvchilari

1937-yil 4-martda 118 talaba bilan ish boshlagan fakultet 1939-1940-oʻquv yili oxirida ilk bitiruvchilarni chiqardi. Fakultetning birinchi bitiruvchisi (1-raqamli diplom) Adnan Altay Özbek va birinchi ayol bitiruvchisi (2-raqamli diplom) Fatma Zehra Bereketdir. Fakultet o‘zining ilk bitiruvchilarini chiqarganidan uch yil o‘tib, 1943-yil 1-martda bitiruvchilarni bir yerda birlashtirgan Iqtisodiyot fakulteti bitiruvchilari uyushmasi tashkil etildi. Qisqa nomi Iqtisodiyot Jamgʻarmasi boʻlgan Istanbul universiteti Iqtisodiyot fakulteti bitiruvchilari va aʼzolari fondi 1986-yil 13-noyabrda tashkil etilgan.

11-Prezident Abdulla Gul Istanbul universiteti Iqtisodiyot fakultetini tamomlagan.

Kafedralari

• Ingliz tili iqtisodiyot kafedrasi
• Iqtisodiyot kafedrasi
• Mehnat iqtisodiyoti va ishlab chiqarish munosabatlari kafedrasi
• Moliya kafedrasi
• Ekonometriya kafedrasi
• Siyosatshunoslik va xalqaro munosabatlar kafedrasi
• Biznes boshqaruvi kafedrasi
• Turizm menejmenti kafedrasi
• Boshqaruv axborot tizimlari kafedrasi

Bir muddat talaba qabul qilmagan Siyosatshunoslik va Xalqaro munosabatlar, Turizm menejmenti va biznes kafedralari 2005-2006-o‘quv yilidan boshlab yana talaba qabul qila boshlagan.

2020-2021-yillarga kelib, Moliya va biznes kafedralaridagi dars jarayonlarida 30% ingliz tilidan foydalana boshlangan.

Manbalar

https://iktisat.istanbul.edu.tr/tr/yonetim

Havolalar

• Istanbul universiteti Iqtisodiyot fakulteti veb-sayti 8 Nisan 2013 tarihinde
• Iqtisodiyot fakulteti bitiruvchilari uyushmasi 10 Ağustos 2013 tarihinde
• Iqtisodchilar fondi