Jannat qidirganlar

oʻzbek yozuvchisi Shuhrat qalamiga mansub roman

„Jannat qidirganlar“ — oʻzbek yozuvchisi Shuhrat qalamiga mansub roman. Ilk bor 1968-yil Toshkent shahrida chop etilgan. Bir necha marta turli nashriyotlarda, jumladan, Gʻafur Gʻulom nomidagi nashriyot-matbaa ijodiy uyida hamda „Qaldirgʻoch“ nashriyotida qayta nashr etilgan. „Jannat qidirganlar“ romani „Oltin zanglamas“ romanining mantiqiy davomi hisoblanadi.[1] Roman oʻzbek oʻquvchilari orasida yaxshi tanilgan. „Qaldirgʻoch“ nashriyoti romanni „Oʻzbek adabiyoti oltin fondi“ turkumiga kiritgan.

Jannat qidirganlar
Muallif(lar) Shuhrat
Til oʻzbekcha
Janr(lar)i roman
Oʻzbek tilida nashr etilgan sanasi 1968
Sahifalar soni 448
ISBN 978-9943-5295-7-1

„Jannat qidirganlar“ romanida vatangadolik fojealari badiiy ifodasini topgan. Xususan, romanda haqiqat (jannat) axtarib yashovchi kishilarning ikki xil koʻrinishi tasvirlangan. Romanda muallif Sovet Ittifoqi davrida inson haq-huquqlarining toptalishini oʻzi guvoh boʻlgan voqealarni umumlashtirgan holda tasvirlagan. Eʼtiqod vatanparvarlik, vijdon amrini har bir kishining jamiyatdagi mavqei va insoniy qadr-qimmatini belgilovchi muhim maʼnaviy qadriyatlar sifatida talqin etgan. Roman nashr etilgandan keyin, ayrimlar muallifni millatchilikda ayblagan.[2]

Manbalar

tahrir
  1. „Shuhrat Rizayev. Men tirikman, to olamda soʻzim bor.“. Kh-davron (2014-yil 19-aprel). Qaraldi: 2020-yil 2-dekabr.
  2. „Shuhrat (1918–1993)“. Saviya (2017-yil 2-oktyabr). 2021-yil 29-noyabrda asl nusxadan arxivlangan. Qaraldi: 2020-yil 2-dekabr.

Havolalar

tahrir