Jasur Matchanov
Jasur Matyakubovich Matchanov (1984 - yil 15-martda tugʻilgan, Toshkent) — oʻzbek bokschisi, ogʻir vazn toifasi vakili. Boks boʻyicha Oʻzbekiston terma jamoasi tarkibida ringga koʻtarilgan, Jahon chempionati bronza medali sovrindori, Osiyo oʻyinlari kumush medali sovrindori, Osiyo chempionati kumush medali sovrindori, respublika va xalqaro turnirlar gʻolibi boʻlgan. Shuningdek, sport mutasaddisi, Oʻzbekiston Milliy olimpiya qoʻmitasida Bosh kotibi sifatida ham tanilgan.
| Jasur Matyakubovich Matchanov | |
|---|---|
| Shaxsiy maʼlumotlari | |
| Jinsi | Erkak |
| Fuqaroligi |
 Oʻzbekiston |
| Tavallud sanasi |
15-mart 1984-yil Toshkent, Oʻzbekiston SSR |
| Sport | |
| Qaysi sport | Boks |
| Sport mukofotlari | ||
|---|---|---|
| Jahon chempionati | ||
| Bronza | Myanyan 2005 | 91kg gacha |
| Osiyo oʻyinlari | ||
| Kumush | Doha 2006 | 91kg gacha |
| Osiyo chempionati | ||
| Kumush | Xoshimin 2005 | 91kg gacha |
| Bronza | Ulan-Bator 2007 | 91kg gacha |
Tarjimai hol
tahrirJasur Matchanov 1984-yil 15-martda Oʻzbekistonning Toshkent shahrida tugʻilgan.
U xalqaro maydondagi birinchi muvaffaqiyatiga 2002-yilda erishgan. Oʻzbekiston terma jamoasi safiga qoʻshilib Santyago-de-Kubada oʻtkazilgan oʻsmirlar oʻrtasidagi jahon chempionatida ishtirok etadi va ogʻir vazn toifasida bronza medalini qoʻlga kiritgan.
2003-yili Kataniyadagi Jahon Harbiy oʻyinlarida yarim finalda rossiyalik Islom Timurziyevga yutqazib, bronza medalini olishga muvaffaq boʻladi.
2004-yilda u Fort-Xuachukadagi harbiy chempionatda yarim finalda nemis Shteffen Krechmanga imkoniyatni boy berib, bronza medalini qoʻlga kiritadi.
2005-yilda Xoshimin shahrida boʻlib oʻtgan Osiyo chempionatida u birinchi ogʻir vaznda kumush medal sohibi boʻlgan. Myanyandagi jahon chempionatida esa Xose Payares va Klemente Russo kabi kuchli bokschilarni magʻlub etdi, bronza medalini qoʻlga kiritdi - ammo yarim final bosqichida ozarbayjonlik Elchin Alizodaga yutqazib qoʻydi.
2006-yilda u Plevendagi Stranja memorialida kumush medalni qoʻlga kiritdi, Varendorfdagi harbiy chempionatda ikkinchi boʻldi va hal qiluvchi final uchrashuvida rossiyalik Raxim Chaxkiyevga imkoniyatni boy berdi. U Dohadagi Osiyo oʻyinlarida qoʻlga kiritilgan kumush medalini medallar roʻyxatiga qoʻshib qoʻydi va finalda eronlik Ali Mazaheriga magʻlub boʻldi.
2007-yilda Ulan-Batorda boʻlib oʻtgan Osiyo chempionatida birinchi ogʻir vazn toifasida bronza medali sohibi boʻldi, yarim finalda yana Mazaxeri bilan toʻqnash kelib, magʻlub boʻldi. Bundan tashqari, u Chikagodagi jahon chempionatidagi chiqishi bilan e’tiborga olindi, ammo Jasur Matchanov dastlabki bosqichdayoq medallar uchun kurashdan chiqib ketdi va gʻoliblar qatoridan joy ololmadi.
U 2008-yilda Pekindagi Yozgi Olimpiya oʻyinlariga yoʻllanmani qoʻlga kiritishga uringan, biroq Bangkokdagi Osiyo Olimpiadasining saralash bosqichida gʻalaba qozona olmadi va finalda eronlik Mazaheriga yutqazib qoʻydi[1].
U oxirgi marta xalqaro miqyosda sezilarli natijalarni koʻrsatgan 2009-yilgi mavsumda u Chjuxayda boʻlib oʻtgan Osiyo chempionatida boks bilan shugʻullangan edi - u 91 kg vazn toifasida chorak finalga chiqdi va u yerda yana bir bor Ali Mazaherga imkoniyatni boy berib qoʻydi[2].
Sport faoliyatini yakunlab, oʻzini sport funsioneri sifatida koʻrsatdi. 2018-yil yanvar oyida u Oʻzbekiston Milliy olimpiya qoʻmitasining Bosh kotib lavozimiga tayinlangan[3].
Manbalar
tahrir- ↑ „Matchanov to miss out“ (en). Eurosport (2008-yil 2-fevral). Qaraldi: 2018-yil 11-noyabr.
- ↑ По материалам базы данных amateur-boxing.strefa.pl
- ↑ НОК возглавил Умид Ахмаджонов Gazeta.uz 16 января 2018