Kambala
Dengiz kambalasi[1] (lot. Pleuronectes platessa) — kambalalar (Pleuronectidae) oilasiga mansub dengiz qanotli baliq. U kuchli yassilashgan tanasi va bir tomonda koʻzlarning joylashishi bilan ajralib turadi. Mimika qilish qobiliyatiga ega. Tuxumdan balogʻatga yetmagunga qadar rivojlanish jarayonida u barcha oddiy baliqlar kabi suzadi. Biroq, ma'lum bir oʻlchamga erishilganda, metamorfoz sodir boʻladi va uning koʻzi oʻng tomonga siljiydi. Natijada tanasining bir tomoni "koʻzli", ikkinchi tomoni "koʻr" boʻlib qoladi. Kambala baligʻi qimmatbaho tijorat baliqlari guruhiga kiradi.
| Dengiz kambalasi | |
|---|---|
 ikki tomondan koʻrinishi | |
Ilmiy tasniflash | |
| Olam: | Hayvonot dunyosi |
| Tip: | Xordalilar |
| Sinf: | Baliqlar |
Tuzilishi
tahrirVoyaga yetgan baliqlar tanasi shakli oval, tanasi dorso-ventral yoʻnalishda kuchli siqilgan. Boshi kichik, butun baliq uzunligining chorak qismidan (25%idan) kam. Kichkina ogʻiz boshning oldida joylashgan, yuqori jagʻi oʻng koʻz ostida joylashadi. Ikkala koʻzi ham tananing oʻng tomonida joylashadi, ularning (koʻzlarining) orqasida suyak choʻqqisi mavjud boʻlib, bu turning oʻziga xos xususiyati hisoblanadi. Yon chiziq koʻkrak qafasining tepasida joylashgan. Anal suzgichida 48 dan 61 gacha, orqa suzgichida 65 dan 84 gacha yumshoq nurlar, koʻkrak qanotlarida 7 dan 14 gacha yumshoq nurlar, tos suzgichlarida 6 ta yumshoq nurlar mavjud. Dengiz kambala tanasining koʻz tomoni zaytun-jigarrang boʻlib, koʻzga tashlanadigan, tasodifiy joylashtirilgan toʻq sariq yoki sariq dogʻlar bilan ajralib turadi. Tananing koʻr tomoni oq rangga ega. Teri silliq, tekis, mayda tangachalar bilan qoplangan[2]. Baliqning maksimal uzunligi 1 metrgacha yetishi mumkin, oʻrtacha 50-60 sm. Eng katta qayd etilgan baliq tanasi vazni 7 kg. Oʻrtacha umr koʻrishi 50 yilgacha[3].
Tarqalishi
tahrirAtlantika okeanining sharqiy qismida Barentsdan Oʻrta yer dengizigacha tarqalgan, shuningdek, ular Grenlandiyaning qirgʻoq suvlarida uchraydi. Ba'zi joylarda (masalan, Irlandiya dengizida) bu baliq baliqchilikning asosiy qismini tashkil qiladi.
Oziqlanishi
tahrirKunduzi faol harakatlanadi. Asosiy ozigʻi koʻp tuklilar, qisqichbaqasimonlar va ikki pallalilardir. Yosh (1-2 yosh) baliqlar qisqichbaqalar va boshqa mayda qisqichbaqasimonlar bilan oziqlanadi.
Manbalar
tahrir- ↑ Решетников Ю. С., Котляр А. Н., Расс Т. С., Шатуновский М. И. Пятиязычный словарь названий животных. Рыбы. Латинский, русский, английский, немецкий, французский. / под общей редакцией акад. В. Е. Соколова. — М.: Рус. яз., 1989. — С. 404. — 12 500 экз. — ISBN 5-200-00237-0.
- ↑ Промысловые рыбы России. В двух томах / Под ред. О. Ф. Гриценко, А. Н. Котляра и Б. Н. Котенёва. — М.: изд-во ВНИРО, 2006. — Т. 2. — С. 955—957. — 624 с. — ISBN 5-85382-229-2.
- ↑ Pleuronectes platessa (англ.) в базе данных FishBase.