Kapsula mehmonxonasi

Kapsula mehmonxonasi Yaponiyada mavjud mehmonxona turi boʻlib, kapsulalar deb nomlanuvchi koʻplab kichik yotoqli xonalardan iborat. Kapsulali mehmonxonalar an’anaviy mehmonxonalar tomonidan taklif qilinadigan kattaroq, qimmatroq xonalarni talab qilmaydigan yoki sotib olishga qodir bo‘lmagan mehmonlar uchun arzon, oddiy tungi turar joyni ta’minlaydi.

Tokiodagi kapsulalar.

Varshavadagi kapsulali mehmonxona, Polsha. Javonlar rasmning chap tomonida, uxlash uchun kapsulalar esa o'ng tomonida.

Dunyodagi birinchi kapsulali mehmonxona 1979-yilda ochilgan va Yaponiyaning Osaka shahrining Umeda tumanida joylashgan va Kisho Kurokava tomonidan ishlab chiqilgan. U yerdan Yaponiyaning boshqa shaharlariga tarqaldi. Shundan beri kontseptsiya Belgiya,Xitoy,Gonkong,Islandiya,Hindiston,Indoneziya,Isroil,Polsha va Kanada kabi boshqa turli hududlarga tarqaldi.

Tavsif

Mehmonxona-bir kishilik to‘shakning uzunligi va kengligidagi xonadan iborat. Xonaning devorlari yog‘och, metall yoki har qanday qattiq materialdan tayyorlanishi mumkin, lekin ko'pincha shisha tolali yoki plastmassadan tayyorlanadi. Xonadagi qulayliklar odatda kichik televizor, konditsioner, elektron konsol va elektr rozetkalarini o'z ichiga oladi. Kapsulaning ochiq qismi maxfiylik uchun parda yoki qattiq eshik bilan yopilishi mumkin, lekin faqat ichkaridan qulflanadi

Yuqori chap old tomondagi quti - bu chap fonda panel orqali boshqariladigan televizor. Ushbu panel yorug‘lik va konditsionerni ham boshqaradi. O'ng devorda oyna va yuqori burchakda konditsioner kirish joyi mavjud.

Mehmonxonadagi kabi ko‘plab qulayliklar,jumladan, hojatxonalar, dushlar, simsiz internet va ovqatlanish xonalari umumiy foydalaniladi. Yaponiyada kapsulali mehmonxonada umumiy hammom va sauna bo‘lishi mumkin. Ba’zi mehmonxonalarda restoranlar, sneyk barlar yoki barlar (yoki hech bo‘lmaganda savdo avtomatlari), hovuzlar va boshqa ko‘ngilochar ob’ektlar mavjud. Gazeta va o‘qish materiallari bilan birga dam olish uchun yumshoq stullar bilan jihozlangan xonalar ham bo‘lishi mumkin.

Kapsulali mehmonxonalar hajmi jihatidan farq qiladi, 50 yoki undan ortiq kapsuladan 700 tagacha va birinchi navbatda erkaklar uchun xizmat qiladi. Ba’zi kapsulali mehmonxonalarda erkak va ayol uchun alohida bo‘limlarni yoki hatto alohida qavatlar va liftlarni taklif qiladi. Kiyim va poyabzal yukata va shippakga almashtiriladi, shuningdek, sochiq ham berilishi mumkin. Yuk va qimmatbaho narsalar odatda javonlarda yoki agar mavjud bo‘lsa -xona ichidagi seyflarda saqlanadi. Mehmonlarda kapsulalarning ichida chekmaslik va ovqatlanmaslik so'raladi.

Yaponiyada kapsula mehmonxonalaridan uyga xavfsiz qaytish uchun juda mast bo‘lgan, kech ishlaganligi sababli uyga qaytish uchun so‘nggi poyezdini o‘tkazib yuborgan yaponlar odatda tunab qoladilar. Yaponiya inqirozi paytida, uysiz qolgan ba’zi ishsiz ishchilar kapsulalarni vaqtincha ijaraga olishgan. 2010-yil holatiga ko‘ra, bu mijozlar Tokiodagi Shinjuku kapsula mehmonxonasida 510 nafar, ya’ni tashrif buyuruvchilarning 30 foizini tashkil etadi.

Tanqid va kamchiliklar

Kapsulalarning joylashishi tufayli Web Urbanist kapsulali mehmonxonalardagi yotoqlarni o‘likxonalar bilan taqqosladi. Bundan tashqari, kichik ichki tuzilishi tufayli Forbes klaustrofobiya(ya’ni tor joylardan qo‘rqish kasalligi)ga chalingan mehmonlar kapsulali mehmonxonalardan foydalanmasliklarini maslahat berdi.

Ba’zi mehmonxonalar kapsulalarda konditsionerni ta’minlamasligi mumkin, bu yomon havo oqimiga olib keladi, ayniqsa ochiq qismining pardasi yoki eshik yopilgand. Bundan tashqari, mehmonlarning joylashuvi yaqinligi tufayli, yupqa plastik devorlardan boshqa mehmonlar tomonidan chiqarilgan tovushlar osongina eshitiladi.

Ba’zi kapsula mehmonxonalari bir kecha-kunduz uchun mo‘ljallanganligi sababli, bir kundan ortiq qolishni xohlagan mehmonlar har kuni ro‘yxatdan o‘tishlari va qaytadan kirishlari kerak bo‘ladi.