Kliment Timiryazev

Kliment Arkadyevich Timiryazev [1843.22.5(3.6), Peterburg 1920.28.4, Moskva] — rus olimi, tabiatshunos-darvinist, oʻsimliklar fiziologiyasi maktabining asoschisi. Peterburg fanlar akademiyasi muxbir aʼzosi (1890). D. I. Mendeleyev boshchiligida oʻsimliklarni oziqlantirish ustida ish olib borgan. Germaniya va Fransiyada boʻlib, fizika, kimyo, botanika, agrokimyo va boshqa fanlar bilan shugʻullangan (1868—70). Timiryazev Petrov nomidagi Dehqonchilik va oʻrmonchilik akademiyasida botanika oʻqituvchisi (1870—92), ordinar professor 1875, Moskva universitetida professor (1878-yildan).

Timiryazev zamonaviy fotosintez taʼlimotining asoschisi. Oʻsimliklar fiziologiyasining dolzarb masalalari ustida ham tadqiqot ishlari olib borgan. Moskva Qishloq xoʻjalik akademiyasi va Rossiya fanlar akademiyasi Oʻsimliklar fiziologiyasi institutiga Timiryazev nomi berilgan.

Manbalar

• Sochineniya, t. 1 — 10, M., 1937—40.