Larisa Kandalova
Larisa Vasilevna Kandalova – (1950-yil 20-mart, Kirov, Rossiya, SSSR – 2007-yil 3-avgust[1]. V nekotorix istochnikax – 2 avgusta[2].|K}}, Moskva, Rossiya) sovet va rus xonandasi, musiqa oʻqituvchisi. VI Butunittifoq estrada artistlari tanlovi laureati (Leningrad, 1979)[3], Oʻzbekiston SSRda xizmat koʻrsatgan artist[4]. Sovet aktyori Talgat Nigmatulinning birinchi xotini.
Larisa Kandalova | |
|---|---|
| Tavalludi |
20-mart 1950-yil |
| Vafoti |
3-avgust 2007-yil Moskva, Rossiya |
| Janrlar | estrada |
| Kasbi | qoʻshiqchi |
| Guruhlari | "Yalla" |
| Fuqaroligi | Rossiya |
| Turmush oʻrtogʻi | Talgat Nigmatulin |
| Ota-onasi |
Vasiliy Nikolayevich Kandalov Valentina Petrovna Kandalova |
| Mukofotlari |
Oʻzbekiston SSRda xizmat koʻrsatgan artist VI Butunittifoq estrada artistlari tanlovi laureati |
Biografiyasi
tahrirXizmatchilar oilasida tugʻilgan (otasi Vasiliy Nikolayevich Kandalov – Kirovdagi „Lepse“ zavodida ishlab chiqarish boshligʻining oʻrinbosari, onasi Valentina Petrovna Kandalova – buyurtmachi vakolatxonasi xodimi). U Kirovdagi 2-bolalar musiqa maktabi va Kirov sanʼat maktabini fortepiano boʻyicha tamomlagan. 1970-1972-yillarda Gorkiy (Nijniy Novgorodning oʻsha paytdagi nomi, Maksim Gorkiy sharafiga qoʻyilgan) konservatoriyasining fortepiano boʻlimida tahsil olgan, keyin Toshkent konservatoriyasiga oʻtgan. Larisa Kandalova Nijniy Novgorodning „Brigantina“ talabalar ansamblida estrada ijrochisi sifatida debyut qilgan. 1971-yilda u „Allo, biz isteʼdodlarni qidiramiz!“ umumittifoq televizion tanlovida ishtirok etdi va u yerda 1978-yilgacha tarkibida boʻlgan „Yalla“ oʻzbek ansambli bilan tanishdi. 1972-yilda Larisa aktyor, kaskadyor va karatechi Talgat Nigmatulinga turmushga chiqdi, ammo 1976-yilda qizi Ursula tugʻilganidan koʻp oʻtmay, bu nikoh tugadi. Xonanda 1975-yilda konservatoriyani tamomlagan. Shundan soʻng Larisa Oʻzbekiston SSR televideniyesida yakkaxon xonanda boʻlib ishlagan. 1979-yilda u „Qizil chinnigul“ (Sochi) VII Xalqaro yoshlar qoʻshigʻi festivalida ishtirok etdi; Leningraddagi VI Butunittifoq estrada sanʼatkorlari tanlovida gʻolib chiqdi. Oʻsha yilning avgust oyida u Belorussiyaning „Verasi“ ansambli bilan birgalikda Din Ridga Sibir va Baykal-Amur magistrali boʻylab gastrol safarida hamrohlik qildi. 1982-yilda Roskontsertda ishlash taklifini olgach, u doimiy yashash uchun Moskvaga koʻchib oʻtdi. Keyinchalik Larisa Kandalova Yuriy Silantev boshchiligidagi Markaziy televideniye va Butunittifoq radiosining Davlat estrada-simfonik orkestri, Anatoliy Krollning „Zamondosh“ orkestri, Georgiy Garanyan boshchiligidagi „Melodiya“ ansambli, Gustav Bromning (Chexoslovakiya) katta guruhi bilan chiqish qildi; SSSR va xorijda koʻp gastrollarda boʻldi. U Pavel Aedoniskiy, Yuriy Saulskiy va boshqa taniqli sovet bastakorlari bilan hamkorlik qilgan. Larisa birinchi marta bir qator mashhur estrada kompozitsiyalarini, shuningdek, kino va televizion filmlar, jumladan, „Men sen uchun… (Ya dlya tebya…)“ (M. Tariverdiyev – V. Neklyayev, 1971), „Agar tushlarga ishonish kerak boʻlsa (Yesli verit snam)“ (E. Artemev – L. Derbenev, „Koʻrinmas odam (Chelovek-nevidimka)“ k/f, 1984) „Kulgi (Smex)“ (D. Zapolskix – Yu. Berg, 1986), „Lotochnik qoʻshigʻi P(esnya lotochnitsi)“ (V. Lebedev – Yu. Ryashensev, t/f „Gardemarinlar, oldinga!,“ 1987), „Mana mening qoʻlim (Vot moya ruka)“ (A. Zatsepin, k/f „Nofelet qayerda? (Gde naxoditsya nofelet?)“) kabilar uchun uchun kadrlar orti qoʻshiqlarini ijro etgan. Larisa Kandalova Rossiya teatr sanʼati universitetining estrada kafedrasida, Moskva zamonaviy sanʼat institutining teatr fakultetida vokaldan dars bergan[4][5][6][7].
2007-yil 3-avgustda saraton kasalligidan vafot etgan. Kirovda dafn etilgan[4].
Mukofotlari
tahrir- Oʻzbekiston Lenin komsomoli mukofoti
- VI Butunittifoq estrada artistlari tanlovining birinchi mukofoti (Leningrad, 1979)
Manbalar
tahrir- ↑ „Могила Ларисы Кандаловой (Киров)“. 2018-yil 19-noyabrda asl nusxadan arxivlangan. Qaraldi: 2018-yil 19-noyabr.
- ↑ Красная книга российской эстрады.
- ↑ Фрадкин 1979.
- ↑ 4,0 4,1 4,2 Фридман 2007.
- ↑ Смирнов О. „Я приехал, чтобы аплодировать вам“. Мелодия (1980). 2014-yil 5-dekabrda asl nusxadan arxivlangan. Qaraldi: 2012-yil 10-oktyabr.
- ↑ „Кандалова Лариса Васильевна“. Music Bazar (2006). 2006-yil 11-mayda asl nusxadan arxivlangan. Qaraldi: 2012-yil 10-oktyabr.
- ↑ Савченко 1998.
