Lev Myachin
Lev Semyonovich Myachin (1939-yil 27-may, Ushinka, Penza viloyati – 2013-yil 15-aprel, Volgograd) – Sovet va Rossiya harbiy rahbari. Rossiya Federatsiyasi Qurolli Kuchlari Bosh shtabi boshligʻining yordamchisi, general-leytenant[1].
| Lev Myachin | |
|---|---|
| Tavalludi |
1939-yil 27-may Ushinka, Poimskiy tumani, Penza viloyati, RSFSR, SSSR |
| Vafoti |
2013-yil 15-aprel Volgograd, Moskva |
| Fuqaroligi |
 Sovet Ittifoqi |
| Xizmatdagi yillari | 1959-1999 |
| Unvoni | General-leytenant |
| Mukofotlari |
 |
Hayoti tahrir
Lev Myachin 1939-yil 27-mayda Penza viloyati Ushinka shahrida tugʻilgan. 1959-yildan Qurolli Kuchlarda xizmat qilgan[2].
Lenin nomidagi Toshkent Oliy umumqoʻshin qoʻmondonlik bilim yurtini faxriy yorliqlar bilan tamomlagan. Novorossiyskdagi togʻli miltiq otryadining komandiri boʻlgan[2]. Keyin Vengriyada, Uzoq Sharq harbiy okrugida katta korpus aloqasi ofitseri, korpus shtabi operatsiyalar boʻlimi boshligʻining yordamchisi boʻlib xizmat qilgan. M. V. Frunze nomidagi Harbiy akademiyani imtiyozli diplom bilan tugatgan[2].
Harbiy xizmati tahrir
Myachin Ukrainada xizmat qilib, motooʻqotar batalon komandiri, polk shtab boshligʻi, polk komandiri, diviziya shtabi boshligʻi, diviziya komandiri boʻlib xizmat qilgan. 1984—1986-yillarda Afgʻonistonda 3-armiya korpusi qoʻmondonining harbiy maslahatchisi[3] boʻlgan.
1986-yildan 34-armiya korpusi shtab boshligʻi (Volgograd) boʻlgan. Keyin yana Uzoq Sharqda xizmat qilgan. 1988-yildan boshlab Efiopiyaga xizmat safari, 3-inqilobiy armiyaning harbiy maslahatchilarining katta guruhi, Afgʻonistonda Bosh harbiy maslahatchi idorasi boshligʻi lavozimida xizmat qiladi[1].
Myachin ikki marta yaralangan.
2003-yildan beri nafaqada. Ikki farzandning otasi.
Xizmatdan keyin tahrir
Xizmatni tugatib, faxriylar harakatida qatnashadi. Volgogradda yashab, shu yerda ishlagan. Volgograd viloyatidagi inspektorlar guruhi rahbari, „Volgograd viloyati faxriysi“ notijorat fondi raisi, „Plastunskaya stansiyasi“ kazak jamiyati keksalar kengashi raisining oʻrinbosari boʻlgan. 2012-yildan esa Janubiy harbiy okrugi qoʻshma strategik qoʻmondonligi inspektorlari guruhining yetakchi inspektori boʻladi.
U butun umrini Vatanga xizmat qilishga bagʻishlagan. Tajribali harbiy boshliq boʻlib, oʻquv-mashgʻulot yigʻinlari va mashgʻulotlarga tayyorgarlik koʻrish, uni oʻtkazishda yordam bergan. Harbiy qismlarda tekshiruvlar oʻtkazishda qatnashgan. Keyingi yillarda esa yoshlar bilan ishlashga katta eʼtibor beradi[2].
Lev Myachin 2013-yil 15-aprelda Volgogradda vafot etgan[4]. Dzerjinskiy qabristoniga harbiy sharaf bilan dafn etilgan.
Mukofotlari tahrir
- Qizil Bayroq ordeni[2]
- Qizil Yulduz ordeni
- 3-darajali „SSSR Qurolli Kuchlarida Vatanga qilgan xizmati uchun“ ordeni
- „Vladimir Ilich Lenin tavalludining 100 yilligi munosabati bilan“ medali (1970-yil 6-aprel[5])
- „1941—1945-yillardagi Ulugʻ Vatan urushidagi gʻalabaning yigirma yilligi“ yubiley medali
- „Rossiya dengiz flotiga 300 yil“ yubiley medali
- „SSSR Qurolli Kuchlari faxriysi“ medali
- „Harbiy hamdoʻstlikni mustahkamlagani uchun“ medali
- „SSSR Qurolli Kuchlarining 50 yilligi“ yubiley medali
- „SSSR Qurolli Kuchlarining 60 yilligi“ yubiley medali[6]
- „SSSR Qurolli Kuchlarining 70 yilligi“ yubiley medali[7]
- I darajali „Buyuk xizmatlari uchun“ medali
- II darajali „Buyuk xizmatlari uchun“ medali
- III darajali „Buyuk xizmatlari uchun“ medali
- „Harbiy jasorat uchun“ medali va boshqalar.
- „Jangchi-Internatsionalist“ koʻkrak nishoni
- „Minnatdor afgʻon xalqidan internatsional jangchiga“ medali
- Afgʻoniston Demokratik Respublikasi va Afgʻoniston Respublikasining orden va medallari
Xotirasi tahrir
- Qabr ustiga qabr toshi oʻrnatilgan.
- L. S. Myachin Penza viloyati Nijniy Lomov shahrining faxriy fuqarosi unvoni bilan taqdirlangan. 06.05.1996[8].
- Xalq deputatlari Volgograd shahar Kengashining 1998-yil 16-martdagi qarori bilan zaxiradagi general-leytenant L. S. Myachin Volgograd shahrining „Harbiy burchga sodiqligi uchun“ esdalik nishoni bilan taqdirlangan[9].
Manbalar tahrir
- ↑ 1,0 1,1 „В Волгограде простятся с генерал-лейтенантом Львом Мячиным“ (ru). Высота 102.0. 2013-yil 25-aprelda asl nusxadan arxivlangan. Qaraldi: 2019-yil 14-mart.
- ↑ 2,0 2,1 2,2 2,3 2,4 Myachin Lev Semenovich. 1939-2013. Afgan
- ↑ „Записки генерала афганской войны“. 2021-yil 28-oktyabrda asl nusxadan arxivlangan. Qaraldi: 2023-yil 1-mart.
- ↑ „В Волгограде простятся с генерал-лейтенантом Львом Мячиным“. 2013-yil 25-aprelda asl nusxadan arxivlangan. Qaraldi: 2019-yil 14-mart.
- ↑ Prikaz ot 06.04.1970
- ↑ Ukaz PVS SSSR ot 28.01.1978 g.
- ↑ Ukaz PVS SSSR ot 28.01.1988 g.
- ↑ „Почѐтные граждане города Нижний Ломов“. 2019-yil 14-martda asl nusxadan arxivlangan. Qaraldi: 2019-yil 14-mart.
- ↑ nagrajdyonnie pamyatnim znakom goroda-geroya Volgograda „Za vernost voinskomu dolgu“Andoza:Недоступная ссылка