MIREA – Rossiya texnologik universiteti (RTU MIREA) Rossiyaning Moskva shahrida joylashgan davlat universitetidir. Ushbu texnologik universitet oʻquv, ilmiy va innovatsion kompleks hisoblanadi. U U.S. News & World Report kollejlar reytingi tomonidan 2023-yilda dunyo miqyosida 1960-oʻrinni egallagan[1].

Umumiy maʼlumot

RTU MIREA 8 ta institut, 160 ta kafedra, 38 ta tadqiqot boʻlimi va 50 dan ortiq ixtisoslashtirilgan boʻlimlarni oʻz ichiga oladi. Universitetda IT, kiberxavfsizlik, elektronika, radiotexnika, robototexnika, kimyo, biotexnologiya va boshqa kafedralar boʻyicha 112 ta yoʻnalish va mutaxassisliklar (bakalavr, mutaxassis, magistratura, aspirantura) boʻyicha kadrlar tayyorlab kelmoqda. Shuningdek, Universitetda qoʻshimcha taʼlim olish imkoniyati ham yaratilgan.

Universitetda 2500 dan ortiq professor-oʻqituvchilar (77%i ilmiy darajaga ega), shu jumladan 21 nafar akademik va Rossiya Fanlar Akademiyasi muxbir aʼzolari, Rossiya va xalqaro ilmiy jamiyat aʼzolari, shuningdek 400 dan ortiq fan doktorlari va 1300 dan ortiq fan nomzodlari faoliyat yuritishadi.

Bir qator maʼruzarlar va oʻquv kurslari xorijlik proffesorlar tomonidan olib boriladi. Amaliyotchi dizaynerlar, bosh muhandislar va sherik korxonalarning bosh direktorlari talabalar uchun ixtisoslashtirilgan boʻlimlarda oʻqituvchi va murabbiy sifatida ishlaydi (3-kursdan boshlab).

Har yili universitet tomonidan 4,367 ta byudjet oʻrinlari ajratilib, hozirgi kunda universitet talabalari soni 26,000 ta yetadi[2].

MIREA universiteting dastlabki tarixi

Universitet tarixi 1947-yil 28-mayda SSSR Elektr stansiyalari va elektrotexnika vazirligining muhandislik va texnik xodimlar malakasini oshirish sirtqi instituti Butunittifoq sirtqi energetika institutiga aylantirilgandan boshlanadi. Shuningdek, uning Lelingrad, Kiyev,Boku, Toshkent, Sverdlosk va Novosibirskda filiallari boʻlgan. Keyinchalik, ushbu filiallar va oʻquv-konsalting markazlari negizida Omsk, Kemerovo, Kirov va SSSRning boshqa shaharlarida bir qator texnik universitetlar ochildi.

Universitet 1967-yil 30-iyunda Moskva radiotexnika, elektronika va avtomatlashtirish instituti (MIREA) nomini oldi. Elektron va radiosanoatning fanni talab qiluvchi tarmoqlari, mashinasozlik va asbobsozlik, avtomatlashtirish uchun muhandis kadrlar tayyorlash, uskunalar va nazorat qilish tizimlari faqat yozishmalar bilan emas, balki toʻliq vaqt rejimida boshladi. Nikolay Nikolayevich Evtixiyev MIREA rektori etib saylandi. 1993-yilda MIREAga texnik universitet maqomi berildi. 1998-2013-yillarda fizika-matematika fanlari doktori, professor, Rossiya Fanlar akademiyasining akademigi Aleksandr Sergeevich Sigov MIREA MSTU rektori etib tayinlandi, keyinchalik, 2013-yildan boshlab esa universitet prezidenti lavozimida tayinlanib, ushbu sohada faoliyat koʻrsatib kelmoqda.

2018-yilda Rossiya Taʼlim va fan vazirligining qarori bilan Moskva davlat radiotexnika, elektronika va avtomatlashtirish texnik universiteti (MSTU MIREA) tarkibida „MIREA – Rossiya texnologiya universiteti“ Federal davlat byudjeti taʼlim muassasasi tashkil etildi[3][4].

RTU MIREA bugungi kunda

Universitet tuzilmasi (institutlar va boʻlimlar)

RTU MIREA oʻz tarkibida oliy taʼlim dasturlarini (bakalavr, mutaxassislik, magistratura va aspirantura) amalga oshiradigan bir qator institutlarga ega:

Ilgʻor texnologiyalar va sanoat dasturlash instituti;
Axborot texnologiyalari instituti;
Sunʼiy intellekt instituti;
Kiberxavfsizlik va raqamli texnologiyalar instituti;
Radioelektronika va informatika instituti;
Lomonosov nomidagi nozik kimyo texnologiyalari instituti;
Boshqaruv texnologiyalari instituti.

Undan tashqari institutlar mavjud:

-qoʻshimcha taʼlim;

-universitetdan oldingi tayyorgarlik;

-yoshlar siyosati va xalqaro munosabatlar;

-xalqaro taʼlim.

Zaxiradagi ofitserlar, zahiradagi serjantlar va zahiradagi askarlar Harbiy tayyorgarlik markazi tomonidan tayyorlanadi. Har yili talabalar va bitiruvchilar Rossiya Mudofaa vazirligining ilmiy otryadlari/kompaniyalari uchun tanlab olinadi[5].

Asbobsozlik va axborot texnologiyalari kolleji talabalarga MIREA RTU da oliy taʼlim dasturlari boʻyicha oʻqishlarini davom ettirishlari uchun treninglar tashkil etadi. Universitetning ikkita filiali mavjud boʻlib, ular Stavropol (Rossiyaning janubi) va Fryazino (Moskva viloyati) shaharlarida joylashgan.

Universitet nashlari

Russian Technological Journal[6]
Journal Fine Chemical Technologies[7]

Eslatmalar

Ministry of Education and Science of the Russian Federation[8]
TASS: Society – the Source: two Moscow universities will be joined[9]
University Symbols – Media Center – RTU MIREA, www.mirea.ru[10]

Manbalar

Tashqi havolalar

Official site of the University (in Russian)[11] (Translate to English: Google, Bing, Yandex)
Admission Committee of RTU MIREA (in Russian)[12] (Translate to English: Google, Bing, Yandex)
Official website of the branch in Fryazino (in Russian)[13] (Translate to English: Google, Bing, Yandex)

MIREA Universiteti

Mundarija