Tarkan: Versiyalar orasidagi farq

Tarkan Tevet o’g’li 1972 – yil 17 okfyabrda, ya’ni “Tarozi” burji ostida Germaniyaning Mayn daryosi bo’yida joylashgan Frankfurtdagi uncha katta bo’lmagan Elzee shahrida tug’ilgan. Bo’yi 1,74 sm. Vazni 70 kg. Oilasi ota – onasi, ikki akasi va ikki nafar opasi va singlisidan iborat. Musulmon. Istanbul, Tibet va Bali shaharlarida bo’lish unga judayam yoqadi. Xonandalardan Madonna, Jeyms Braun, Stivi Uander, Prins, Eminemlarni miriqib tinglaydi. Shuningdek, tong saharlab Mosartni, tushlik paytida esa “Metallika” ni tinglab tanovul qilishni xush ko’radi. Al Pachino, Bred Pitt, Nikol Kidmanlar ishtirok etgan filmlarni imkon qadar kuzatib borishga intiladi.

Kiyim – kechak tanlashda injiqlik qilmaydi, oziq – ovqatlarni ham tanlamay iste’mol qiladi. Narvonga chiqishga to’g’ri kelib qolsa, yahshisi tomdagi “o’lja” dan voz kechib qo’ya qoladi. Ijoddan tashqari paytlarda erkaklar va ayollar parfyumaeriyasi savdo – sotig’i bilan mashg’ul bo’ladi.

Tarkanning ota – onasi – Neshe xonim va Ali Bey Elzeda ijara uyda turar va zavodda ishlardi. Neshe xonim kunlarning birida baxtsiz hodisa tufayli avtohalokatga uchraydi. Bu paytda ayol homilador edi. Rafiqasini zudlik bilan shifoxonaga olib brogan Ali Beyga shifokor – ginekolog Neshe xonimning homilasi abort qilinishi zarurligini, aks holda, chaqaloq majruh tug’ilishinin ma’lum qildi. “Bo’lmagan gap – dedi Ali Bey xotirjamlik bilan, - mana, ko’rasiz, hammasi yahshi bo’ladi”. Baxtsiz hodisa yuz berishidan bir nicha kun avval Ali Bey tushida o’g’il ko’rgandi, o’g’li sog’lom, o’tkir ovozli, bir so’z bilan aytganda, bo’lajak xonanda edi. “Hayotimdagi eng baxtsiz hodisa tug’ilishimgacha bo’lgani rost bo’lsin”, - deydi Tarkan,

Karamurzel shahrida uyi va bog’i bo’lishini orzu qilgan Ali Beyning harakatlari zoe ketmadi. U tadbirkor savdogar bo’lishi bilan birga nozik qalbli dizayner ham edi. Peshona teri bilan topgan jamg’armasi evaziga Karamurzeldan o’zi istagandek ko’rkam uy sotib oldi, oilasini ko’chirib kelganida, o’g’li Tarkan 14 yashar edi. Bu yerda Tarkan mashhur bastakorlar saboq beradigan musiqa maktabiga qatnay boshladi. Bu orada Tarkan muhandislik kasbini egallash uchun ikki do’sti bilan Istambulga, alohida ijara uyga ko’chib o’tdi. Biroq fakultet imtihonlarini muvaffaqiyatli topshira olmadi.