'''Toshkent vrachlar malakasini oshirish instituti''' - — vrachlar malakasini oshirish, ixtisoslashtirish va ilmiy kadrlar tayyorlash muassasasi. 1932 yilda tashkil etilgan. Dastlab Oʻrta Osiyo vrachlar malakasini oshirish instituti deb nomlangan. 1992 yildan hozirgi nomda. Institutda 4 ft (terapiya, xirurgiya, pediatriya, tibbiyot profilaktikasi va umumiy amaliyot shifokori), 4 kursni oʻz ichiga olgan 48 kafedra, 11 ilmiy tadqiqotlar instituta, ilmiy markazlar, 13 koʻp profilli kasalxona, 6 poliklinikada baza, markaziy ilmiy tadqiqot laboratoriya, aspirantura, kutubxona va boshqa bor (2004). Institutda 287 xodim, jumladan 65 professor, 151 fan nomzodi, 6 Respublikada xizmat koʻrsatgan fan arbobi, 12 Respublikada xizmat koʻrsatgan vrach unvonli xodim faoliyat koʻrsatadi (2004). 60 tibbiyot mutaxassisligi boʻyicha malaka oshiriladi. 1992 yildan boshlab institutda har yili 8—10 ming mutaxassis oʻqiydi. Institut birlamchi ambulatoriyapoliklinika tizimida ishlayotgan terapevt va pediatrlarni umumiy amaliyot mutaxassisligi boʻyicha qayta tayyorlashning uzoq muddatli dasturini amalga oshiradi. Institut professor oʻqituvchilari yirik xalqaro anjumanlarda ishtirok etib, xorijiy davlatlarda oʻz malakalarini oshiradilar. Institut Jahon sogʻliqni saqlash tashkilotingʻgʻt oliy tibbiy mutaxassislar tayyorlaydigan bazasi hisoblanadi. Institutda Xalqaro seminar va simpoziumlar oʻtkaziladi. Institut monografiya, darslik, uslubiy qoʻllanmalar va ilmiy ishlar toʻplami nashr etadi.<ref>[[OʻzME]]</ref>
{{no iwiki}}
== Manbalar ==
{{manbalar}}
{{OʻzME}} <!-- Bot tomonidan yaratildi -->
[[Turkum:Oʻzbekiston Respublikasi Sogʻliqni saqlash vazirligi]]
