Aqiqa

Янги туғилган чақалоқнинг бошидаги тукини "Ақиқа" дейилади. Аллоҳ таолога шукр маъносида туғилган чақалоқ учун қурбонлик қилишни ҳам ақиқа дейилади. Ушбу маросимнинг асл номи "Насиқа"дир. Ақиқа Ҳанафий фиқҳида мубоҳ ва гўзал амалдир.

Ақиқа қурбони фарзанд туғилгандан бошлаб вояга етгунча қилиниши мумкин, фақат еттинчи куни қурбонлик сўйилиши кўпроқ фазилатлидир. Фарзанд туғилгач еттинчи куни унга исм қўйилади ва сочини олиб, чиққан сочи оғирлигида олтин ёки кумуш садақа қилинади. Ақиқа қурбонлиги учун бир қўй сўйилиши етарлидир. Ўғил фарзанд учун иккита қўй сўйилиши керак деган қарашлар ҳам мавжуд.

"Расули Акрам саллаллоҳу алайҳи васаллам бизларга ўғил фарзанд учун иккита, қиз фарзанд учун бир қўйни ақиқа сифатида қурбон қилишимизни буюрдилар" Ибн Можа, 3163-ҳадис.

Яна ҳазрати Оиша розиаллоҳу анҳумадан қилинган ривоятга кўра Пайғамбаримиз саллаллоҳу алайҳи васаллам набиралари Ҳасан ва Ҳусанлар (р.а) туғилгач еттинчи куни ақиқа қурбонлиги сўйдириб, уларга исм қўйганлар. (Тажриди Сариҳ таржимаси, XI, 401)

Исломдан аввал жоҳилия даврида араб жамиятида фақат ўғил фарзандлар учун қурбонлик сўйилар, қизлар учун бундай маросим умуман ўтказилмас эди. Ислом бунга чек қўйиб, қиз фарзандлар учун ҳам эътибор берилишини таъминлади.

Манба: http://uzislam.com