Shum bola
„Shum bola“ — oʻzbek yozuvchisi va shoiri Gʻafur Gʻulom qalamiga mansub qissa. Muallif asarni 1936-yil yozgan. Qissa bir necha marta nashr qilingan. Qissada ijodkorning bolaligi, 20-asr boshidagi Toshkent hayoti tasvirlangan.
| Muallif(lar) | Gʻafur Gʻulom |
|---|---|
| Til | oʻzbekcha |
| Janr(lar)i | qissa |
| Oʻzbek tilida nashr etilgan sanasi | 1936 |
Qissa oʻtkir hajviy asar boʻlib, haqiqiy voqealar va shaxslar taqdiriga asoslangan. Asar markazida yozuvchining hayotidan olingan koʻp faktlar turgan boʻlsa-da, u avtobiografik emas. Unda haqiqiy tarixiy faktlarga nisbatan badiiy toʻqima, fantaziya kuchli.
Qissani F. Shayhutdinova[1] (1968) hamda A. Naumov[2] (1970) rus tiliga, V. Grimich[3] (1991) ukrain tiliga tarjima qilingan.
1977-yil asar asosida „Shum bola“ filmi suratga olingan. Film ham oʻzbek, ham xorijiy film tanqidchilari tahsiniga sazovor boʻlgan.
2023-yil asar BBC nashri tomonidan barcha davrlarning eng yaxshi top-100 bolalar kitoblari reytingiga kiritilgan[4]. Shu yili Gʻafur Gʻulom tavalludining 120-yilligi munosabati bilan adib nomidagi nashriyot tomonidan qissaning yangi oʻzbekcha nashri chop etilgan[5].
Syujet tahrir
Qissada shum bola Qoravoy haqida hikoya qiladi. Qoravoy uyidan ketib qolib, oʻzining topqirligi, zukkoligi, shoʻx-shaddodligi tufayli turli sarguzashtlarni boshidan kechiradi. Shum bola bir guruh oʻgʻriga, har bir gapga „innaykeyin?“ deb javob qaytaruvchi boyga, giyohvand mullalarga duch keladi.
Qahramonlar tahrir
- Qoravoy – shum bola
- Omon – Qoravoyning doʻsti
- Qodir aka – samovarchi
- Sulton – oʻgʻri
- Sharifjon – mulla
- Sariboy – boy
- Rahmatullo – sarkor
- Hoji bobo – mulla
Manbalar tahrir
- ↑ „Shum bola“ (ruscha). Rossiya davlat kutubxonasi. Qaraldi: 2016-yil 24-sentyabr.
- ↑ „Shum bola“ (ruscha). Rossiya davlat kutubxonasi. Qaraldi: 2016-yil 24-sentyabr.
- ↑ „Shum bola“ (ruscha). Rossiya davlat kutubxonasi. Qaraldi: 2016-yil 24-sentyabr.
- ↑ „«Shum bola» barcha davrlarning eng yaxshi bolalar kitoblari ro‘yxatiga kiritildi“. Kun.uz (2-iyun 2023-yil). Qaraldi: 26-noyabr 2023-yil.
- ↑ „“Shum bola” — asrlar oshayotgan asar“. Xs.uz (24-noyabr 2023-yil). Qaraldi: 26-noyabr 2023-yil.
Havolalar tahrir
 |