Mixail Utkin
Mixail Vasilyevich Utkin (1923-yil 14-mart, Samara viloyati – 1991-yil 10-may, Toshkent[1]) – maxsus xizmat kinologlarining 2-alohida polki boshligʻi, Qizil Armiya askari, 1-darajali Shuhrat ordeni (SSSR) sohibi.
| Mixail Vasilyevich Utkin | |
|---|---|
| Tavalludi |
14-mart 1923-yil Samara viloyati |
| Vafoti |
10-may 1991-yil (68 yoshda) Toshkent, SSSR |
| Fuqaroligi |
 SSSR |
| Jang/urush | Ikkinchi jahon urushi |
| Mukofotlari |
  |
Hayoti tahrir
Mixail Utkin 1923-yil 14-martda Samara viloyati Sizran shahrining Oktyabr tumanidagi Kostichi qishlogʻida tugʻilgan. Taʼlim toʻliq boʻlmagan oʻrta. Batraki stansiyasi deposining taʼmirlash-mexanika ustaxonasida chilangar boʻlib ishlagan.
U 1942-yil may oyida koʻngilli boʻlib, Sizran tumani harbiy komissarligi orqali Qizil Armiya safiga qoʻshiladi. 1942-yil noyabrdan Ulugʻ Vatan urushi janglarida qatnashdi. U Stalingrad janglarida yarador boʻldi. Kasalxonada tuzalgandan keyin yana frontga qaytdi.
U tanklarni yoʻq qiluvchi itlarni oʻrgatuvchi kinolog kasbini tanlagan. Mixail Utkin urush tugagunga qadar yaʼni 1943-yil mart oyigacha Janubi-gʻarbiy frontning 3-gvardiya armiyasi qoshida tuzilgan maxsus xizmat kinologlarining 2-alohida polki tarkibida xizmat qildi. 1943-yil 3-iyuldan 6-iyulgacha boʻlgan janglarda Privolnoye qishlogʻi yaqinida dushmanning 7 askari va 2 merganini yoʻq qildi. „Jasorat uchun“ medali bilan taqdirlangan.
Keyinchalik, janubi-gʻarbiy 4- va 1-Ukraina frontlaridagi janglarida qatnashdi.
1943-yil 27-avgustdan 25-oktyabrgacha boʻlgan janglarda Qizil Armiya askari Utkin 243-piyoda diviziyasining 303-tankga qarshi qiruvchi diviziyasi tarkibida harakat qildi. Janglarda u 15 nafar dushman askarini oʻldirgan. 1944-yil 1-yanvarda Novo-Troitskoye fermasi hududida dushmanning qarshi hujumini qaytarish paytida chap qoʻlidan yarador boʻldi. Hammasi boʻlib, 1943-yil 27-avgustdan 1944-yil 2-yanvargacha boʻlgan janglarda u 29 nemis askarini yoʻq qildi.
Uchinchi gvardiya diviziyasi qoʻshinlarining 1944-yil 22-yanvardagi buyrugʻi bilan Qizil Armiya askari Mixail Vasilyevich Utkin 3-darajali "Shuhrat" ordeni bilan taqdirlangan[2].
U 1944-yil 30-31-yanvarda Nikopol shahri yaqinidagi hujum janglarida ishtirok etdi.
SSSR Oliy Kengashi Prezidiumining 1945-yil 10-apreldagi farmoni bilan „jangovar topshiriqlarini namunali bajarganligi hamda janglarda koʻrsatgan jasorati uchun Qizil Armiya askari Mixail Vasilyevich Utkin 1-darajali “Shuhrat" ordeni bilan taqdirlangan. „Shon-sharaf“ ordenining toʻliq sohibiga aylangan.
1946-yilda Mixail Utkin demobilizatsiya qilindi.
U 1-darajali Vatan urushi ordeni, 3-darajali Shon-sharaf ordeni va „Jasorat uchun“ medali bilan taqdirlangan.
Mixail Utkin 1991-yilda Toshkent shahrida vafot etdi[3].
Adabiyotlar tahrir
- Кавалеры ордена Славы трёх степеней: Краткий биографический словарь / Пред. ред. коллегии Д. С. Сухоруков. — М.: Воениздат, 2000. — 703 с. — 10 000 экз. — ISBN 5-203-01883-9.
- Кургузов И. П. Солдатская доблесть. Ташкент, 1970.
Manbalar tahrir
- ↑ „УТКИН Михаил Васильевич :: Память народа“. www.pamyat-naroda.ru. Qaraldi: 17-noyabr 2023-yil.
- ↑ „Бессмертный полк. Октябрьск. Уткин Михаил Васильевич“. www.moypolk.ru. Qaraldi: 17-noyabr 2023-yil.
- ↑ „Уткин Михаил Васильевич : Министерство обороны“. www.encyclopedia.mil.ru. Qaraldi: 17-noyabr 2023-yil.