Muborak Shoh II

Muizuddin Muhammad Muborak Shoh (forscha: مبارک شاه), tavallud paytidagi ismi Muborak Xon (forscha: مبارک خان) – 1421–1434-yillarda Dehli sultonligini boshqargan Sayyidlar sulolasining ikkinchi monarxi.

Muborak Shoh II
Muizz-ud-Din
26-Dehli sultoni
Saltanat	21-may 1421 – 19-fevral 1434
Oʻtmishdoshi	Xizr Xon
Davomchisi	Muhammad Shoh IV
Nominal hukmronlik ostida	Shohrux Mirzo
Tugʻilishi	1378
Vafoti	1434-yil 19-fevral
Uy	Sayyidlar sulolasi
Otasi	Sayyid Xizr Xon
Dini	Islom

Kotla Muborakpurdagi Muborak Shoh qabri

Ajdodi

Muborak Xon sulton Muborak Shoh Xizr Xonning oʻgʻli boʻlgan.

Hayoti

Muborak Shoh II otasi Xizr Xondan keyin 1421-yilda taxtga oʻtirgan. Tavallud paytidagi ismi Muborak Xon boʻlib, hokimiyat tepasiga kelganidan keyin Muizz-ud-Din Muborak Shoh yoki oddiygina Muborak Shoh nomini olgan. Sayyidlar o;sha vaqtda Amir Temurning vorisi Shohrux Mirzoga boʻysungan boʻlsa-da, Muborak Shoh mamlakatda sulton sifatida tan olingan. Shu bilan birga Temuriylar imperiyasi poytaxti Hirotdan Muborak Shoh uchun chopon yuborilgani va chatr (tantanali marosim) uyushtirilgani ham oʻsha davrda unga sadoqat koʻrsatilganidan dalolat beradi.

Muborak Shoh hukmronligi davrida hokimiyatga Dehli sultonligining katta hududlarni bosib olishga erishgan va hatto 1431-yilda Dehliga ham yurish qilgan panjoblik musulmon sulton Jasrat tomonidan katta tahdid solingan. Biroq Muborak Shoh yirik qoʻshin bilan unga qarshi yurish qilganidan keyin Jasrat orqaga chekingan. Ushbu buyuk gʻalabadan 2 yil oʻtib, Muborak Shoh 1434-yilda oʻldirilgan va uning oʻrniga jiyani Muhammad Shoh oʻtirgan.

Adabiyotlar

• Jackson, Peter. The Delhi Sultanate : a political and military history, 1st, Cambridge: Cambridge University Press, 2003. ISBN 9780521543293. 
• „Sayyid dynasty“ (en). Encyclopedia Britannica.