Muhammadsoli Yusupov

Muhammadsoli Abdullayevich Yusupov (1955.11.1, Toshloq tumani) — aktyor, rejissor, pedagog. Oʻzbekiston xalq artisti (1999). Toshkent teatr va rassomlik sanʼati institutining aktyorlik (1977) hamda rejissorlik (1997) ftlarini tugatgan. 1977—78 yillar mazkur Institutda oʻqituvchi, 1979-yildan Fargʻona teatrida aktyor, rejissor (1995-yildan bosh rejissor). "Kulgi zarbi spektaklidagi Sulaymon qori uning sahnadagi ilk obrazidir. "Richard III" (U.Shekspir)dagi Gloster, "Farhod va Shirin" (S.Abdulla, B.Broviin)dagi Yosuman obrazlari talqin va ijro jihatidan yangicha uslubga ega ekanligi bilan ajralib turadi. Yu. Qoʻchqor ("Temir xotin"), Diktator ("Hokimi mutloq"), Mamat ("Nurxon"), Buxenvald ("Bir oʻlikka bir tirik"), Asomboy ("Toshkentga sayohat"), Toʻxtamishxon ("Amir Temur va Toʻxtamishxon") kabi rollari bilan shuhrat qozondi. Qahramon ichki holatini ochib bera olish, milliy qiziqchilik sanʼati bilan yoʻgʻrilgan ijro uslubi ajralib turadi. Yu. kinoda Xolmat ("Bomba"), Qoʻchqor ("Masxaraboz"), Oʻqituvchi ("Oʻqituvchi"), videofilmda Solih mahdum ("Mehrobdan chayon"), telefilmda Afandi ("Afandining besh xotini") rollarini ham oʻynagan. "Kurort" (Oʻ.Umarbekov), "Oltin sirtmoq" (X.Toʻxtaboyev), "Amir Muzaffar" (I.Qobulov), "Osmonga sigʻmagan muhabbat" (Y.Sulaymon), "Sehrlangan parizod" (V.Rabadan), "Kampir topaymi, dadajon?" (A.Xursandov), "Tikansiz tipratikanlar" (Sh.Boshbekov), "Jonimning malhami" (O.Hakimov), "Amir Temur va Toʻxtamishxon" (T.Mirzo) kabi spektakllarni sahnalashtirgan. Hamza nomidagi Oʻzbekiston Davlat mukofoti laureati (1989).

Filmografiyasi

Nomi	Rol	Yil	Izoh
Janob hech kim	Tohir	2009