NASDAQ fond birjasi yoki oddiygina NASDAQ — bu Amerika fond birjasidir. Bu nom National Association of Securities and Dealers Automated Quotations toʻliq nomining qisqartmasidan olingan. AQShdagi eng yirik elektron birja hisoblanadi. NASDAQda 3700 ga yaqin kompaniya roʻyxatga olingan boʻlib, bu uni dunyodagi eng yirik savdo birjasi deb hisoblashga asos boʻladi.

Rasmiy logosi

NASDAQ indekslariTahrirlash

NASDAQda faqatgina yuqori texnologiyali kompaniyalar aksiyalari kotirovka qilinmaydi, shu sababli butun boshli indekslar tizimi paydo boʻlgan, ularning har biri iqtisodiyotning tegishli sektoridagi vaziyatni aks ettiradi. Hozirda NASDAQ elektron tizimida sotiladigan qimmatli qogʻozlarning kotirovkalariga asoslangan bunday indekslar oʻn uchtadir.

Nasdaq CompositeTahrirlash

Nasdaq Composite Indeksi NASDAQ fond birjasida joylashgan barcha kompaniyalarning aksiyalarini oʻz ichiga oladi (jami 5000 dan ortiq). Bozor qiymati quyidagicha hisoblanadi: kompaniya aksiyalarining umumiy soni bir aksiyaning joriy bozor qiymatiga koʻpaytiriladi.[1]

Nasdaq-100Tahrirlash

Nasdaq-100 aksiyalari NASDAQ fond birjasida sotiladigan, kapitallashuvi boʻyicha 100 ta eng yirik kompaniyalarni oʻz ichiga oladi. Moliyaviy sektordagi kompaniyalar bu indeksga kirmaydi.[2] 2021-yil holatiga koʻra, Nasdaq-100 ning 57 foizini texnologik kompaniyalar tashkil qiladi.[3] Nasdaq birjasida QQQ tiker belgisi ostidagi fond Nasdaq-100 dinamikasini yuqori aniqlikda takrorlaydi.[4][5]

NASDAQning boshqa indekslariTahrirlash

  • NASDAQ Bank Index — bank sektoridagi kompaniyalar uchun
  • NASDAQ Biotechnology Index — tibbiyot va farmatsevtika kompaniyalari uchun
  • NASDAQ Computer Index — kompyuterlar uchun dasturiy taʼminot va apparat vositalarini ishlab chiquvchi kompaniyalar uchun
  • NASDAQ Financial Index — moliya sektoridagi kompaniyalar uchun, banklar va sugʻurta kompaniyalari bundan mustasno
  • NASDAQ Industrial Index — sanoat kompaniyalari uchun
  • NASDAQ Insurance Index — sugʻurta kompaniyalari uchun
  • NASDAQ Telecommunications Index — telekommunikatsiya kompaniyalari uchun.

ManbalarTahrirlash

  1. „Index Metology Nasdaq Composite“. indexes.nasdaqomx.com. Qaraldi: 6-yanvar 2022-yil.
  2. „Five facts about the Nasdaq 100 index“. morningstar.com.au. Qaraldi: 6-yanvar 2022-yil.
  3. „Best Nasdaq 100 Brokers Guide“. comparebrokers.co. Qaraldi: 6-yanvar 2022-yil.
  4. „Invesco QQQ Trust, Series 1“. nasdaq.com. Qaraldi: 6-yanvar 2022-yil.
  5. „Q: Why Did QQQQ drop a Q to Become QQQ?“. wsj.com. Qaraldi: 6-yanvar 2022-yil.

HavolalarTahrirlash