Nikolay Lavrov

gaz va yonilgʻi sohasidagi sovet olimi, kimyogar, texnika fanlari doktori

Nikolay Vladimirovich Lavrov (1911-yil 17-dekabr, Rossiya imperiyasi, Samara1981-yil 21-aprel, SSSR) — gaz va yonilgʻi sohasidagi sovet olimi, kimyogar, texnika fanlari doktori (1950), Oʻzbekiston SSR Fanlar akademiyasi akademigi (1960)[1], KPSS aʼzosi (1942), SSSR gaz sanoati vazirligi ilmiy-texnika kengashi aʼzosi, Butunittifoq Gaz ilmiy tekshirish instituti qoshidagi yonilgʻilarni qazib chiqarish seksiyasining raisi[2].

Nikolay Vladimirovich Lavrov
Tavalludi 17-dekabr 1911-yil
Samara, Rossiya imperiyasining bayrogʻi Rossiya imperiyasi
Vafoti 21-aprel 1981-yil(1981-04-21)
(69 yoshda)
SSSR bayrogʻi SSSR
Fuqaroligi SSSR bayrogʻi SSSR
Sohasi gaz va yonilgʻi
Taʼlimi Moskva Kimyo texnologiyasi instituti
Ilmiy darajasi Texnika fanlari doktori
Ilmiy unvoni Oʻzbekiston SSSR FA akademigi
Mukofotlari

Tarjimayi holi tahrir

Nikolay Vladimirovich Lavrov 1911-yil 17-dekabr[3] kuni Samarada tavallud topgan. 1934-yili Dmitriy Mendeleyev nomidagi Moskva Kimyo texnologiyasi institutini bitiradi[3]. 1935—1936-yillari Moskva tunukasozlik zavodida gaz-generator stansiyasining katta muhandisi, 1939—1941-yillarda SSSR Fanlar akademiyasi Energetika institutida ilmiy xodim boʻlib ishlagan. 1941—1945-yillari Ulugʻ Vatan urushida ishtirok etgan. Lavrov 1945—1948-yillari SSSR FA Energetika instituti hamda Yonilgʻi qazilamalari institutida katta ilmiy xodim, 1948—1949-yillari SSSR FA Prezdiumida ishlagan. 1949-yildda Lavrov Andrey Chernishyov bilan birgalikda Butunttifoq Yer osti gazlari ilmiy tekshirish institutini tashkli etishda tashabbus koʻrsatishgan[3]. 1949—1951-yillarda Butunttifoq Yer osti gazlari ilmiy tekshirish instituti (VNIIpodzemgaz) xodimi, 1951—1953-yillarda mazkur insitutning direktori, SSSR FA Yonilgʻi qazilmalar institutida (1953—1959-yillar) ilmiy ishlar boʻyicha direktor oʻrinbosari, 1960—1964-yillari Oʻzbekiston SSR Fanlar akademiyasi texnika fanlari boʻlimining akademik-sekretari hamda Oʻzbekiston SSR FA Yonilgʻidan foydalanish instituti direktori[1], 1965-yildan Butunittifoq Gaz ilmiy tekshirish instituti (VNIIProzmgaz) da laboratoriya mudiri vazifasida faoliyat olib borgan[2]. Olim 1981-yil 21-aprelda 69-yoshida vafot etgan[3].

Ilmiy ishlari tahrir

Lavrov gazsimon yonilgʻilardan foydalanishga va yonilgʻilarning kimyoviy texnologiyasiga oid 300 ga yaqin ilmiy asar, shu jumladan 14 kitob va monografiya muallifidir[2].

Mukofotlari tahrir

Manbalar tahrir

  1. 1,0 1,1 T. Bogatova. „Yubileyi-2006“ (rus tilida). 2023-yil 1-yanvarda asl nusxadan arxivlangan. Qaraldi: 2023-yil 7-yanvar.
  2. 2,0 2,1 2,2 2,3 OʻzSE 1975, s. 254
  3. 3,0 3,1 3,2 3,3 „Lavrov Nikolay Vladimirovich“ (rus tilida). 2023-yil 1-yanvarda asl nusxadan arxivlangan. Qaraldi: 2023-yil 7-yanvar.

Adabiyotlar tahrir

  • Oʻzbek Sovet Ensiklopediyasi, VI tom, Toshkent: OʻzSE Bosh redaksiyasi, 1975 — 640 bet.