Ozarbayjon Hukumat uyi

Ozarbayjon Hukumat uyi — Boku shahrining markazida joylashgan maʼmuriy bino. Bino meʼmorlari Lev Rudnev va Vladimir Munts hisoblanadi. Saroyning qurilishi 1924-yilda Ozarbayjon SSR yangidan tashkil etilganida boshlangan va toʻliq inshoot ishlari 1952-yilda tamomlangan.

Tarixi

Ozarbayjonda Sovet hokimiyati oʻrnatilganidan soʻng hukumat ishchilarining ishlashi uchun mos bino boʻlmagani sababli yangi bino qurishga ehtiyoj tugʻildi. Loyiha ustida ishlagan meʼmorlar qarshisiga „buyuk sotsialistik davlat qudrati va porloq kelajagini aks ettiruvchi“ inshoot yaratish vazifasi qoʻyildi.

Meʼmor Nəriman Əliyevning soʻzlariga koʻra, rasmiy Moskva bugungi Ozarbayjon Hukumat uyining qurilishi boʻyicha XX asrning 20-yillarida qaror beradi. 1924-yilda Bokudagi hukumat ishlari uchun bino qurilishi jarayoni boshlab berildi. Jarayon 30-yillar boshiga qadar choʻziladi hamda 1932-yilda tanlov eʼlon qilinadi. Ikki yillik muzokaralardan keyin, 1934-yilda tanlov gʻoliblari aniqlandi. Ushbu musobaqada Ozarbayjonning taniqli meʼmorlari hisoblangan Mikayıl Hüseynov va Sadıq Dadaşovlar ham ishtirok etgan. Ular taklif qilgan loyiha bugungi kunga qadar eng yaxshi loyihalardan biri sanalsa-da, maʼlum sabablarga koʻra tasdiqlanmagan. Moskvadan hakamlar hayʼti birinchi oʻrinni Lev Rudnevga berishdi.

Galereya

• 
  Ozarbayjon SSR pochta markasi, (1960)
• 
  Pochta markasi, (1993)
• 
  Ozarbayjonning pochta markasi, (2012)