Papu-de-anju
Papu de anju yoki papu-de-anjou (portugalcha: papo de anjo, “farishta qorni“ yoki “farishtaning qoʻsh iyagi“[1]) — tuxum sarigʻi hamda shakar siropidan tayyorlanadigan anʼanaviy portugal shirinligi[2]. Ushbu desert Braziliyada ham keng isteʼmol qilinadi.
Portugaliyaning tuxum sarigʻi negizida tayyorlanadigan Fios de ovos va boshqa klassik shirinliklari singari, papu de anjou XIV—XV asrlarda portugaliyalik rohibalar tomonidan yaratilgan, deb taxmin qilinadi. Ibodatxonalarda tuxum oqi kiyimlarni „kraxmallash“ uchun ishlatilgani sababli tuxum sariqlarining koʻp miqdorda toʻplanishiga olib kelgan.
Aksar retseptlarga koʻra, tuxum sarigʻi hajmi ikki baravar koʻpayguncha uriladi. Baʼzi bir retseptlarda esa, tuxum oqidan ham foydalaniladi (har 10 ta tuxum sarigʻi uchun 1-2 ta tuxum oqi qoʻshiladi), tuxum oqlari qattiq holga kelguncha koʻpirtirib olinib, soʻngra ehtiyotkorona tarzda urilgan tuxum sarigʻiga qoʻshiladi. Urilgan tuxum sariqlari yogʻlangan muffin qoliplariga (har biriga yarim osh qoshiqdan) solinadi va sal qotguncha pishiriladi. Eʼtibor berish zarur jihati shundaki, masalliq tashqarisi qattiq pishib ketmasligi kerak. Soʻngra, ular rom, vanil yoki apelsin qobigʻi qoʻshib xushboʻy qilingan shakar siropida ozgina qaynatib olinadi[3][4][5].
Yana qarang tahrir
Manbalar tahrir
- ↑ „arxiv nusxasi“. 2016-yil 20-dekabrda asl nusxadan arxivlangan. Qaraldi: 2022-yil 11-may.
- ↑ Charles Gordon Sinclair (1998), International Dictionary of Food & Cooking. Taylor & Francis. ISBN 1-57958-057-2, ISBN 978-1-57958-057-5
- ↑ Jornal Zero Hora (daily newspaper), recipe for Papo de Anjo. Online version at terra.com, accessed on July 5, 2009.
- ↑ Amélia Coelho (1899), Dos Cadernos de Receitas da Amélia. Juruá Editora. ISBN 85-362-2217-4, ISBN 978-85-362-2217-2
- ↑ George Erdosh (2003), Rare finds — Enjoy this South American food tour. Better Nutrition magazine, Vol. 65, issue 4 (April 2003), pages 36-38. ISSN 0405-668X. Online version accessed on July 5, 2009.