Qahramon Nuraliyev
Qahramon Nuraliyev Qulsaxatovich (1964-yil 21-noyabrda Termiz shahrida tugʻilgan) — sovet sambochisi, sambo boʻyicha yoshlar va oʻsmirlar oʻrtasidagi SSSR chempionatlari sovrindori, sambo boʻyicha SSSR kubogi gʻolibi va sovrindori, Yevropa chempionati sovrindori, sambo boʻyicha RSFSR Millatlar Spartakiadasi chempioni, SSSRda xalqaro toifadagi sport ustasi. U Aleksandr Yegorovich Sokolov va E.A.Tyurin rahbarligida mashgʻulotlar oʻtkazgan. U yengil vazn toifasida (62 kg gacha) musobaqada qatnashgan. Hozirda „Olimp“ nomli kurash boʻyicha bolalar va oʻsmirlar sport maktabi direktori(Tver).
| Qahramon Nuraliyev | |
|---|---|
| Tavalludi |
21-noyabr 1964-yil |
| Fuqaroligi |
 SSSR →  Rossiya |
| Kasbi | Sambochi → Sport murabbiyi |
Oilasi
tahrirQahramon Nuraliyevning xotini Natalya Viktorovna 1971-yilda tavallud topgan. Natalya ham sambo boʻyicha jahon chempioni, sambo va dzyudo boʻyicha SSSR sport ustasi. Dzyudo boʻyicha SSSR chempionati gʻolibi va oltin medal sovrindori. Er-xotinning toʻrt oʻgʻil va bir qizi bor. Juftlikning katta oʻgʻli dzyudo boʻyicha oʻsmirlar va yoshlar oʻrtasidagi Rossiya chempionatlari gʻolibi, dzyudo boʻyicha Rossiya kubogi gʻolibi, dzyudo boʻyicha Yevropa kubogi gʻolibi va oltin medal sovrindori, Rossiya, Yevropa va Jahon chempionatlarining chempioni va oltin medali sovrindori. Universal jang boʻyicha Rossiyada xizmat koʻrsatgan sport ustasi. Nuraliyevning ikkinchi oʻgʻli universal jang boʻyicha Rossiya, Yevropa va jahon chempionatlari chempioni va sovrindori, universal jang boʻyicha xalqaro toifadagi sport ustasi. Ularning uchinchi oʻgʻli dzyudo boʻyicha yoshlar oʻrtasida Rossiya chempionati gʻolibi, dzyudo boʻyicha Yevropa oʻsmirlar Olimpiya festivali kumush medali sovrindori, universal jang boʻyicha Rossiya, Yevropa va jahon chempionatlari chempioni va sovrindori, Oʻzbekistonda xizmat koʻrsatgan sport ustasi[1].
2002-yilda Nuralievlar oila jamoalari oʻrtasida „Dadam, onam, men sport oilasiman“ koʻpkurash boʻyicha Rossiya chempionatida gʻolib boʻlishgan. 2005-yilda Nuraliyevlar oilasi „Yilning eng yaxshi oilasi — sport yutuqlari uchun“ nominatsiyasida „Rossiya oilasi“ Milliy mukofoti sohibi boʻlishgan. 2018-yilda oila „Ota-ona shon-sharafi“ ordeni bilan taqdirlangan[2].
Yutuqlari
tahrir- Sambo boʻyicha SSSR jamoaviy kubok sohibi 1983-yil —
- Sambo boʻyicha SSSR chempionati 1985-yil —
- Sambo boʻyicha SSSR chempionati 1985-yil — 3-oʻrin
- Sambo boʻyicha SSSR chempionati 1988-yil —
- Sambo boʻyicha SSSR kubogi 1989-yil — 3-oʻrin
