Qaviq — chok turi; qaviladigan buyumlar (toʻn, doʻppi, koʻrpa, koʻrpacha va boshqalar)ning ikki tomoniga oʻtkazib tikiladi. Asosan, avraastarli (baʼzan ichiga paxta solingan) buyumlarda qoʻllanadi. Sidirgʻa, gulsiz matolardan tayyorlangan buyumlarda Q.ning gul, turli shakllar hosil qilib bajarilishi gulli Q. deb ataladi, bunday Q. buyumga jozibadorlik baxsh etadi.