Qoʻshtut mahallasi

Qoʻshtut mahallasi (Abu Bakr Shoshiy koʻchasi 103) — Sobir Rahimov tumanidagi mahalla. „Guzarboshi“, „Chigʻatoy darvoza“, „Eski shahar“, Hofiz Koʻhakiy va Abu Bakr Shoshiy mahallalari bilan chegaradosh. 1997 yil sobiq „Qoʻshtut“, „Pichoqchilik“, „Zargarlik“, „Sharshintepa“ kichik mahallalari va „Hofiz Koʻhakiy“ mahallasining bir qismini birlashuvidan tashkil topgan. Aholisi 6840 kishi, asosan (97%) oʻzbeklar. Mahalla hududida 24-oʻrta maktab, bolalar bogʻchasi joylashgan.