Qodir Fozilxoʻjayev

Qodir Fozilovich Fozilxoʻjayev (1930-yil 5-iyul, Toshkent 2001-yil 20-may) – tarixchi olim. Oʻzbekistonda xizmat koʻrsatgan fan arbobi (1980-yil). Tarix fanlari doktori (1969-yil), professor (1974-yil). Oʻrta Osiyo universitetining tarix fakultetini tugatgan (1950-yil). Oʻzbekiston Fanlar akademiyasi Tarix va arxeologiya institutida katta ilmiy xodim (1956—59), „Bilim“ jamiyati boshqaruvi raisining birinchi oʻrinbosari (1958—76), Oʻzbekiston kompartiyasi MK huzuridagi Partiya tarixi instituti direktorining oʻrinbosari (1976—89), Qori-Niyoziy nomidagi pedagogika ilmiy instituti direktori (1989—92), Respublika oʻqituvchilar uyining direktori (1992—96). Ilmiy ishlari oʻzbek xalqining qardosh xalqlar bilan aloqalari va kasaba uyushmalari tarixini oʻrganishga bagʻishlangan.