Rasim Akchurin
Rasim Akchurin Sulaymonovich (1931-yil 24-dekabr; Oʻzbekiston SSR, Zangiota tumani) – sovet qoʻmondoni, general-polkovnik (17.02.1990). Mashhur kardiojarroh akademik Renat Akchurinning ukasi.
| Rasim Akchurin Sulaymonovich | |
|---|---|
| Tavalludi |
24-dekabr 1931-yil Toshkent viloyati, Zangiota tumani |
| Qoʻshin turlari | havo mudofaa kuchlari |
| Xizmatdagi yillari | 1951–1992 |
| Unvoni | general-polkovnik |
Hayoti tahrir
Rasim Akchurin 1931-yil 24-dekabrda Toshkent viloyati, Zangiota tumani, Zangiota qishlogʻida oʻqituvchi oilasida tugʻilgan. 1933-yildan boshlab Andijonda, ota-onasining yangi ish joyida yashay boshlagan. 1949-yilda Andijondagi oʻrta maktabni tugatgan. 1949-yildan M. I. Kalinin nomidagi Leningrad politexnika institutida tahsil olgan[1].
1951-yilda institutning ikkinchi kursini tamomlab, Sovet Armiyasi safiga chaqirilgan. 1954-yilda Havo mudofaasi kuchlarining 3-Boltiq zenit-artilleriya maktabini tamomlagan (Latviya SSR, Aluksne shahri). 1954-yildan Turkiston harbiy okrugining 30-alohida havo hujumidan mudofaa korpusida vzvod komandiri (Qirgʻiziston SSR, Mayli-Say qishlogʻi), 1957-yildan S-75 zenit-raketa tizimida vzvod komandiri lavozimlarida xizmat qilgan.
1970-yilda Havo mudofaasi Harbiy qoʻmondonlik akademiyasini tamomlagan. 1970-yildan Moskva havo mudofaasi okrugida xizmat qilgan va 291-zenit-raketa polkining komandiri boʻlgan (Kostroma viloyati Neya shahri). 1973-yildan 16-havo mudofaasi korpusining (Gorkiy shahri) zenit-raketa qoʻshinlari boshligʻi boʻlgan. 1974-yilda qoʻmondon oʻrinbosari va 1982-yilda 3-Havo mudofaasi korpusi qoʻmondoni (Yaroslavl), 1982-yilda Moskva havo mudofaasi okrugi zenit-raketa kuchlari qoʻmondoni boʻlgan. 1985-yilda mamlakat Havo mudofaasi kuchlarining zenit-raketa qoʻshinlari qoʻmondoni boʻlgan. 1992-yilda zaxiraga oʻtkazilgan.
Rasim Akchurin 1993–1996-yillarda Aerokosmik kompleksni konvertatsiya qilish boʻyicha Rossiya markazida maslahatchi, 1996–1999-yillarda Rossiya Federatsiyasi hukumati maʼmuriy boʻlimi maslahatchisi, 1999-yil yanvar oyidan avgust oyigacha Rossiya Federatsiyasi hukumati huzuridagi Rossiya davlat tarixiy-madaniy markazining harbiy-vatanparvarlik tarbiyasi boʻlimi boshligʻi hamda 1999-yil avgustdan Moskva taʼlim boshqarmasi Harbiy-vatanparvarlik va fuqarolik taʼlimi markazi direktori lavozimlarida ishlagan.
Rasim Akchurin ijtimoiy ishlarda faol ishtirok etagan. U 1999-yildan Moskva viloyati tatar milliy-madaniy avtonomiyasi kengashi raisi, 2014-yildan esa faxriy rais boʻlgan. Shuningdek, Moskva shahar faxriylar kengashining birinchi oʻrinbosari boʻlgan.
Mukofotlari tahrir
- Qizil Bayroq ordeni.
- ikkinchi va uchinchi darajali „SSSR Qurolli Kuchlarida Vatanga xizmatlari uchun“ ordeni.
- Jukov medali.
- „Rossiya dengiz flotiga 300 yil“ medali.
- „Harbiy hamdoʻstlikni mustahkamlagani uchun“ medali.
- V. I. Lenin tavalludining 100 yilligi munosabati bilan „Harbiy jasorat uchun“ yubiley medali.
- „1941–1945-yillardagi Ulugʻ Vatan urushidagi gʻalabaning yigirma yilligi“ yubiley medali.
- „SSSR Qurolli Kuchlari faxriysi“ medali.
- „Harbiy hamdoʻstlikni mustahkamlagani uchun“ medali.
- „SSSR Qurolli Kuchlariga 40 yil“ yubiley medali.
- „SSSR Qurolli Kuchlariga 50 yil“ yubiley medali.
- „SSSR Qurolli Kuchlariga 60 yil“ yubiley medali.
- „SSSR Qurolli Kuchlariga 70 yil“ yubiley medali.
- Birinchi, ikkinchi va uchinchi darajali „Buyuk xizmatlari uchun“ medallari.
- „Kuba inqilobiy qurolli kuchlarining 30 yilligi“ medali (Kuba, 24.11.1986)[2].
- „Duslyk“ ordeni (Tatariston, 2021)[3].
- „Tatariston Respublikasiga xizmatlari uchun“ ordeni (2016)[4].
Adabiyotlar tahrir
- Татарский энциклопедический словарь. — Казань: Институт Татарской энциклопедии АН РТ, 1999. — 703 с., илл. ISBN 0-9530650-3-0
- Татарская энциклопедия — Казань: Институт Татарской энциклопедии АН РТ. Том 1, 2002. ISBN 585247035X
- Биографическая справка о Р. С. Акчурина на сайте «Союза ветеранов Республики Татарстан»
- Акчурин Расим: Армия не прощает незнания. Интервью. (Wayback Machine saytida 2021-06-15 sanasida arxivlangan)
- Александр Гаврилов. Пример для подражания/«Учительская газета», 3 января 2012 г.
- «Генерал-полковник Расим Акчурин отмечает 80-летний юбилей»
Manbalar tahrir
- ↑ „Rasim Akchurin Sulaymonovich“. nailtimler.com. Qaraldi: 27-oktabr 2023-yil.
- ↑ Informatsiya o nagrajdenii v OBD „Pamyat naroda“.
- ↑ „Генерал-полковник Расим Акчурин награжден орденом «Дуслык»“. Полномочное представительство Республики Татарстан в Российской Федерации (2021-yil 24-dekabr). 2021-yil 28-dekabrda asl nusxadan arxivlangan. Qaraldi: 2021-yil 28-dekabr.
- ↑ „Расим Акчурин награжден медалью ордена «За заслуги перед Республикой Татарстан»“. Газета «Республика Татарстан» (2016-yil 26-dekabr). 2021-yil 28-dekabrda asl nusxadan arxivlangan. Qaraldi: 2021-yil 28-dekabr.