Rauf Abdullayev

Rauf Abdullayevich (1922-yil, 5-may, Namangan viloyati Pop tumani) – terapevt, Oʻzbekistonda xizmat koʻrsatgan fan arbobi (1968-yil), tibbiyot fanlari doktori (1958-yil), professor (1960-yil). SamMI gospital terapiya kafedrasi assistenti (1943-1945-yillar) va shu institut direktori (1945 – 1951-yillar), 1952-yildan Toshkent vrachlar malakasini oshirish institutining terapiya kafedrasida assistent, dotsent, kafedra mudiri (1961-1992-yillar), 1992-yildan 2-terapiya kafedrasida professor maslahatchi. Ilmiy ishlari, asosan yurak-tomir va jigar kasalliklarining kelib chiqish sabablari, ularning oldini olish va davolash masalalariga bagʻishlangan.