Rossiya shaxmat federatsiyasi

Rossiya shaxmat federatsiyasi
Turi	sport federatsiyasi
Ishga tushgan sanasi	1992-yil 15-fevral
Joylashuvi	Moskva
Hududiy xizmati	Rossiya
Prezidenti	Andrey Filatov
Vebsayti	ruchess.ru
Til(lar)i	ruscha

Rossiya shaxmat federatsiyasi – Rossiyadagi shaxmatchilarni birlashtiruvchi jamoat tashkiloti. Xalqaro shaxmat federatsiyasi aʼzo tashkiloti. 1992-yil 15-fevralda tashkil topgan. SSSR shaxmat federatsiyasining huquqiy vorisi^[1].

Federatsiya ustaviga muvofiq, federatsiyaning oliy organi – Syezd hisoblanadi. 4 yilda 1 marotaba chaqiriladi. Syezd boshqaruv kengashi 5 nafar vitse-prezidentlar hamda 26 ta mintaqaviy shaxmat federatsiya vakillaridan iborat.

Hozirgi vaqtda federatsiya bir qator Butunrossiya va xalqaro turnirlarning, shu jumladan, Rossiya chempionati Oliy ligasi, Rossiya jamoaviy chempionati va „Belaya ladya“ xalqaro turnirining bevosita tashkilotchisi hisoblanadi. Rossiya shaxmat federatsiyasi homiyligida, Rapid va Blitz boʻyicha Rossiya chempionati, Rossiya kubogi, Rapid Gran-pri va „Bolalar Ros“ kubogi oʻtkaziladi^[2].

Tarixi

Federatsiyaning birinchi qurultoyi 1992-yilda oʻtkazilgan. Federatsiya prezidenti lavozimi uchun akademik Leonid Abalkin va Moskva shahri IIBB boshligʻi lavozimida ishlagan va Garri Kasparov bilan birga Rossiya demokratik partiyasiga aʼzo boʻlgan siyosatchi Arkadiy Murashov kurash olib borgan. Kasparovning qoʻllab-quvvatlashi tufayli Murashov saylovda gʻalaba qozondi^[3]. Oradan birmuncha vaqt oʻtgach, federatsiya Prezidiumi aʼzosi Yevgeniy Bebchuk tashabbusi bilan navbatdan tashqari syezd chaqirildi. Unda shaxmatni moliyalashtirishga qodir boʻlgan muvaffaqiyatli tashkilotchi sifatida shuhrat qozongan va Kasparovning raqiblari (Karpov va Botvinnik) tomonidan qoʻllab-quvvatlangan Bebchuk federatsiya prezidenti etib saylandi.

Prezident lavozimi 2010-yilgacha, boshqaruv organlari tuzilmasi oʻzgartirilgunga qadar mavjud edi. 2010-yildan 2014-yilgacha federatsiya kuzatuv kengashi tomonidan boshqarilgan. 2014-yilda Federatsiyaning XII syezdi kuzatuv kengashi raisi lavozimini bekor qildi va Andrey Filatov saylangan prezident lavozimini qaytardi. 2014-yil 12-mayda Rossiya shaxmat federatsiyasining Vasiylik kengashi tasdiqlandi. Uning tarkibiga taniqli jamoat arboblari va siyosatchilar, tadbirkorlar, mashhur shaxmatchilar hamda musiqachilar kiritilgan.

2014-yil 25-sentyabr kuni Moskvadagi Rossiya shaxmat federatsiyasining binosida dunyodagi uchinchi shaxmat muzeyi oʻz faoliyatini boshladi. Gogol bulvaridagi bu bino RSHF prezidenti Andrey Filatov mablagʻlari hisobidan toʻliq taʼmirlangan.

Rahbarlari

1992-2009-yillar (prezidentlar)

Arkadiy Murashov (1992-1993)
Yevgeniy Bebchuk (1993-1994)
Andrey Makarov (1994-1997)
Andrey Selivanov (1997-2003)
Aleksandr Jukov (2003-2009)

2010-2014-yillar

Arkadiy Dvorkovich (kuzatuv kengashi raisi, 2010-2014)
Aleksandr Bax (boshqaruv raisi, 2010-2011)
Ilya Levitov (boshqaruv raisi, 2011-2014)

2014-yildan boshlab

Andrey Filatov (prezident, 2014-yildan boshlab)
Dmitriy Peskov (vasiylik kengashi raisi, 2014-yildan boshlab)

Hududiy tashkilotlari

„Adigeya Respublikasi shaxmat federatsiyasi“ jamoat tashkiloti
„Oltoy Respublikasi Shaxmat federatsiyasi“ mintaqaviy jamoat tashkiloti
„Boshqirdiston Respublikasi shaxmat federatsiyasi“ mintaqaviy jamoat tashkiloti
„Buryatiya shaxmat federatsiyasi“ mintaqaviy jamoat tashkiloti
„Kabardin-Balkar Respublikasi shaxmat va shashka federatsiyasi“ jamoat tashkiloti
„Qalmiqiston Respublikasi shaxmat federatsiyasi“ mintaqaviy jamoat tashkiloti
„Qorachoy-Cherkas Respublikasi shaxmat sport federatsiyasi“ mintaqaviy jamoat tashkiloti
„Qrim Respublikasi shaxmat federatsiyasi“ mintaqaviy jamoat tashkiloti
„Mariy El Respublikasi shaxmat federatsiyasi“ mintaqaviy sport jamoat tashkiloti
„Mordoviya Respublikasi shaxmat federatsiyasi“ mintaqaviy jismoniy tarbiya-sport jamoat tashkiloti
„Sax Respublikasi shaxmat federatsiyasi (Yakutiya)“ mintaqaviy jamoat tashkiloti
„Shimoliy Osetiya-Alaniya Respublikasi shaxmat federatsiyasi“ mintaqaviy jamoat tashkiloti
„Tatariston Respublikasi shaxmat federatsiyasi“ mintaqaviy jamoat tashkiloti

Manbalar

↑ „Федерация“. Российская шахматная федерация. 2012-yil 30-oktyabrda asl nusxadan arxivlangan. Qaraldi: 2012-yil 8-sentyabr.
↑ Барский, Владимир „«Белая ладья»: между прошлым и будущим“. «Спорт-Экспресс» (2015-yil 5-iyun). 2015-yil 15-iyulda asl nusxadan arxivlangan. Qaraldi: 2015-yil 14-iyul.
↑ Авербах, Ю. Л.. О чём молчат фигуры. {{[[Andoza:{{{1}}}|{{{1}}}]]}}: РИПОЛ классик, 2007 — 294—285-bet. ISBN 978-5-7905-4946-5.

[about-1] „Федерация“. Российская шахматная федерация. 2012-yil 30-oktyabrda asl nusxadan arxivlangan. Qaraldi: 2012-yil 8-sentyabr.

[ladya-2] Барский, Владимир „«Белая ладья»: между прошлым и будущим“. «Спорт-Экспресс» (2015-yil 5-iyun). 2015-yil 15-iyulda asl nusxadan arxivlangan. Qaraldi: 2015-yil 14-iyul.

[3] Авербах, Ю. Л.. О чём молчат фигуры. {{[[Andoza:{{{1}}}|{{{1}}}]]}}: РИПОЛ классик, 2007 — 294—285-bet. ISBN 978-5-7905-4946-5.

[1]

[2]

[3]